СИА хаартыската
Ааспыт нэдиэлэ бүтүүтэ Дьокуускай куоракка, таһынааҕы нэһилиэктэргэ уонна ыаллыы сытар улуустарга күүстээх тыал түһэн саахал тахсан, уоттара арахсыбыта.
«Якутскэнерго» ААУо Киин электрическэй ситимнэрин энэргиэтиктэрэ түүннэри-күнүстэри чөлүгэр түһэрии үлэтин ыыталлар. Эбии Покровскай уонна Горнай РЭС-н биригээдэлэр кэлэн үлэлии сылдьаллар диэн «Якутскэнерго» ААУо пресс-сулууспата иһитиннэрэр.
Бүгүн сарсыарда 8 ч. туругунан, сэттэ сайаапканы көрдүлэр уонна 24 алдьаныыны чөлүгэр түһэрдилэр.
Билиҥҥи кэмҥэ чөлүгэр түһэрии үлэтигэр аҕыс биригээдэ үлэлиир, үс биригээдэ суһал ыҥырыыга сылдьар.
«Ааспыт өрөбүллэргэ энэргиэтиктэр барыта 201 сайаапканы көрдүлэр. Билиҥҥитэ Сайсары, Мерзлотка, Гимеин, Газовиктар, Геологтар бөһүөлэктэрин, 17 кыбаартал, Сэргэлээх шоссетын 4-9 км, Хатыҥ-Үрэх шоссетын 6-8 км, Покровскай суолун 9 км лииньийэлэригэр тахсыбыт технологическай кэһиилэри туоратыы хаалла», — диэн Киин электрическэй ситимнэр начаалынньыга Алексей Березовскай эттэ.
Сүрүн технологическай кэһиилэр тахсыбыт биричиинэлэринэн боруобат хатыһыыта, быстыыта уонна боруобаттар тэҥҥэ холбоһон умайыылара буолар.
Нам улууһугар Намнааҕы РЭС энэргиэтиктэрэ уот саахалын чөлүгэр түһэрдилэр. Бу өрөбүллэр усталарыгар РЭС бары күүстэрэ өрөмүөн үлэтигэр кытыннылар. Өрөмүөн үлэлэрэ салҕыы ыытыллаллар.
Владимир Путины 2026 сыл балаҕан ыйын 1 күнүгэр Жатай бөһүөлэгэр «Кэлэр кэм туочуката» үөрэх кластерын…
“Саха “НКИК суруналыыһа Олег Колесов Норуоттар сомоҕолоһууларын сылыгар дойду норуоттарын өйүүр миэрэлэр тустарынан ыйытыытыгар хоруйдууругар…
Бүгүн, ахсынньы 19 күнүгэр, Татыйаас Филиппова «Дойду» диэн ааттаах фотопоэзиятын персональнай быыстапка, «Үргэл» арт-галереяҕа аһылынна.…
Түмэл иитэр-үөрэтэр үлэҕэ музейнай педагогика диэн улахан суолталаах эйгэ буолар. Бу, оҕо экспонат көмөтүнэн устуоруйаны…
Саха сиригэр уот тарыыба социальнай тэрилтэлэргэ эмискэ улааппытын, онон саахал тахсар куттала баарын туһунан Саха…
Саха сирин Бырабыыталыстыбатын Бэрэссэдээтэлин солбуйааччы Георгий Степанов Арассыыйа Бэрэсидьиэнэ Владимир Путин пресс-кэмпириэнсийэтин – быһа эпиирин…