Энергияны көдьүүстээхтик туһаныы улахан суолталаах

Судаарыстыбаннай Сэбиэт энергетическэй хамыыһыйатын саамай кэнники мунньаҕар Уһук Илиҥҥэ уонна бүтүн дойдуга энергияны туһаныыга улахан болҕомто ууруллубутун туһунан Ил Дархан Айсен Николаев «Якутия, вперед!» быһа эпииргэ иһитиннэрдэ.

Кини экэниэмикэ энергияҕа наадыйыыта улаатыытын учуоттаан, 2035 сылга диэри энергияны туһаныыны тупсарыыны үрдэтэргэ этиллибитин кэпсээтэ. Сэргэх кэпсэтии кэмигэр судаарыстыбаннай уорганнар уонна научнай-чинчийэр институттар араас ньымалара быһаарыллыбыттарын бэлиэтээтэ.

«Биһиги хамыыһыйабыт мунньаҕар олус сытыы, мөккүөрдээх түгэннэр буолан аастылар. Энергияны харыстааһын саҥа бырагыраамаларын уонна эрэгийиэннээҕи көҕүлээһиннэри олоххо киллэрэр наадатыгар бары сөбүлэстилэр. Уопсастыбаннай тэрилтэлэргэ учуоттуур тэриллэр баалларын хааччыйыы уонна тутууга, тырааныспарга, энергетикаҕа аныгы технологиялары киллэрии олус наадалаах. Сэтинньи 1 күнүгэр диэри бары бүддьүөт тэрилтэлэрэ – муниципальнай, өрөспүүбүлүкэтээҕи уонна федеральнай – учуоттуур тэриллээх буолалларын хааччыйар сыалы туруордум. Биһиги ресурсалары кэмчилээн туһанарга үөрэниэхтээхпит. Ону кытта, биллэн турар, экэниэмикэ бүтүннүүтэ – тутуу, тырааныспар уонна энергетика салаата бэйэтэ – бастатан туран, энергияны кэмчилиирэ уонна, иккиһинэн, айылҕаҕа сөптөөх аныгы технологияларга олоҕураллара олус наадалаах. Бэрэсидьиэнтэн быһаччы ыйыылар бааллар, олор бары туолалларын хааччыйыахтаахпыт», — диэн эттэ Ил Дархан.

Айсен Николаев бу биһиги экэниэмикэбит ресурсаларын туһаныы үрдээһинин эрэ буолбакка, өссө сөптөөх, саҥалыы киэҥник сайдарын хааччыйыахтааҕын эттэ. Онон бу хайысхаҕа син биир салгыы үлэ барыаҕын тоһоҕолоото.