Саха сиригэр “Энергосбыт” эбэтэр дьиэ-уот, хомунаалынай хаһаайыстыбаны кытары сибээстээх хампаанньалар үлэһиттэрэбит диэн албынныыр түбэлтэ элбээбит.
Дьокуускайга институт, көтөрү иитэр фабрика үлэһиттэрэ уонна биэнсийэлээх дьахтар түөкүттэр угаайыларыгар киирэн харчылара суох хааллылар.
68 саастаах эр киһиэхэ уонна 70 саастаах дьахтарга кимэ биллибэт дьон эрийэн “Энергосбыт” үлэһиттэрэ буолан кубулуммуттар, дьиэлэригэр уот счетчиктарын уларытыахтаахтарын уонна саҥа систиэмэҕэ көһүөхтээхтэрин туһунан эппиттэр. Онно суруйтарыахтааххыт диэн, “Энергосбыт” сыһыарыытын хачайдыырга, оччоҕо кэшбэк ылыахтарын сөбүн туһунан албыннаабыттар. Албыннаппыт биэнсийэлээхтэр түөкүттэр салалталарынан бэйэлэрин төлөпүөннэригэр билбэт сыһыарыыларын хачайдаабыттар, ол кэнниттэн смартфоннара арахсан барбыт. Эмсэҕэлээбит дьон төлөпүөннэрэ холбоммутугар көрбүттэрэ, кинилэр бааннарын счетуттан харчылара сүппүт, массыанньыктар уорбуттар.
РФ Ис Дьыалаҕа министиэристибэтин управлениета санатар — “Энергосбыт” үлэһиттэрэ счетчигы уларытарга эбэтэр туһанар тэриллэргэ сыһыаннаах ханнык эмэ дьайыылары оҥорорго диэн, хаһан да төлөпүөнүнэн эрийбэттэр. Билбэт дьоҥҥут ыйыыларынан-кэрдиилэринэн ханнык да сыһыарыылары хачайдаамаҥ.
Тугу эмэ уорбалыы санаатаххытына, сибээс официальнай ханаалларынан иһитиннэриини бэрэбиэркэлээҥ. Смс-кодтары уонна тус бэйэҕит дааннайдаргытын хаһан да, кимиэхэ да этимэҥ.
СӨ ИДьМ управлениетын пресс-сулууспата.
Бу субуотаҕа, алтынньы 19 күнүгэр, Бастакы ханаал «Играем свадьбу» бырагырааматын таһаарыытыгар эбэҥки норуотун сыбаайбатын көрдөрүөхтэрэ.…
Ааспыт сууккаҕа Дьокуускай куорат полициятын учаастактааҕы боломуочунайдара сокуоннай сааһын ситэ илик оҕолорго арыгыны атыылааһын биэс…
Нерюнгри оройуонуттан старшай участковай полиция боломуочунайа, старшай лейтенант Роман Морозов «Народный участковый- 2024» куонкурус эрэгийиэннээҕи түһүмэҕин…
Дьокуускай куорат ИДьМ 2 №-дээх полициятын дьуһуурунай чааһыгар киин куорат олохтооҕо биллибэт эр киһи быһаҕынан…
Саха сиригэр байыаннай дьайыы кыттылаахтарыгар уонна кинилэр дьиэ кэргэттэригэр психологическай көмөнү оҥоруу үлэтэ салҕанар. Ааспыт нэдиэлэҕэ…
Дмитрий Петров аатынан Ытык Күөл 2 №-дээх оскуолата сахалартан соҕотох Албан Аат Уордьанын толору кавалера…