Энньэ

Энньэ — былыр кыыс сүктэригэр илдьэ кэлэр бэйэтэ бас билэр баайа-дуола. 

Энньэ эмиэ халыым курдук улахана, кырата, арааһа, эгэлгэтэ уоллаах кыыс дьоно төһө баайдарыттан, олохторун таһымыттан тутулуктаах.

Энньэ бэйэтэ — сүөһү төбөтүнэн.

Сэмсэ — энньэни үрдүнэн бэриллибит баай-дуол. Туох баҕарар буолуон сөп.

Симэх — араас симэх, киэргэл, таҥас-сап.

Энньэ кулут баар буолара үһү.

Энньэ сир баар буолуон сөп.

Харамньы ат — киэргэллээх кыыс ата.

Кийиит ураһата.

Итини тэҥэ кийиит сүктэн кэлэригэр маннык бэлэхтэрдээх кэлэр эбит:

Кыыс кэһиитэ — эт уонна уулбут арыы буолар.

Дьиэ бэлэҕэ — саһыл тириитэ уонна тоҕус кырынаас тириитэ.

Сэргэ бэлэҕэ — тойон сэргэҕэ баайарга анаан биэ.

Сылгы хааһах — кырбастаммыт буспут сылгы этэ.

Сүөһү хааһах — кырбастаммыт буспут ынах этэ.

Саха ыалын халандаара, 2007 с.

«Бичик» («Айар») кинигэ кыһата.