«Эҥсиэли хапсаҕайыгар» Манчаары оонньууларыгар бүтэһик путевкалар иһин киирсиэхтэрэ

Бу өрөбүллэргэ, муус устар 5-6 күннэригэр, Нам сэлиэнньэтигэр Манчаары оонньууларыгар хапсаҕайга бүтэһик путевкалары оонньотуохтара. «Эҥсиэли хапсаҕайа» турнирга хас биирдии ыйааһынтан талыллан, алта күүстээх бөҕөс путевканы тутуоҕа.

Хапсаҕайга СӨ чөмпүйэнээтигэр уоннуу путевка оонньоммута. Манна бары улуустартан 290 спортсмен кыттыбыта. Күүстээх күөн-күрэс буолан, үгүс уопуттаах хапсаҕайдьыттар путевкаттан маппыттара.

Күрэхтэһии Нам сэлиэнньэтигэр РСШОР-га ыытыллыаҕа. Оттон мандаат хамыыһыйата Дьокуускайга «Модуҥҥа» эрдэ буолуоҕа.