Мария Васильева хаартыската, СИА.
Өрөспүүбүлүкэ күүстээх тустууктара бу өрөбүллэргэ Николай Румянцев бирииһигэр «Эҥсиэли хапсаҕайа» турнирга түмсүөхтэрэ. Турнир муус устар 5-6 күннэригэр Нам сэлиэнньэтигэр, Нь.С.Тимофеев аатынан култуурунай-спортивнай комплекска ыытыллыаҕа.
Эр дьон алта ыйааһыҥҥа киирсиэхтэрэ, бэтэрээн эр дьон — биэс ыйааһыҥҥа. Маны сэргэ муҥутуур кыайыылааҕы быһаарыыга түөрт киирсии олохтонуоҕа. Эр дьон 75 кг диэри уонна онтон үөһэ ыйааһыҥҥа сүрүн бириис иһин күөн көрсүһүөхтэрэ. Муҥутуур кыайыылаахтар, ыйааһыннарынан кыайыылаахтар, бириистээх миэстэҕэ тиксибиттэр харчынан наҕараадаланыахтара.
Күрэхтэһии А категориялаах, онон өрөспүүбүлүкэ хапсаҕайга маастарын нуорматын толоруохха сөп. Ону сэргэ турнир квалификационнай суолталааҕынан, ыйааһын аайы 6 бастыҥ иһигэр киирбиттэр бу сайын Таатта улууһугар ыытыллар Манчаары оонньууларыгар путевканы ылыахтара.
ТУРНИР БЫРАГЫРААМАТА
Муус устар 5 күнэ:
10:00–13:00 – барыллаан хапсыһыылар
13:00–14:00 – эбиэт
14:00–15:00 – барыллаан хапсыһыылар
15:00–15:30 – күрэхтэһии үөрүүлээх аһыллыыта
15:30–19:00 – барыллаан хапсыһыылар.
Муус устар 6 күнэ:
10:00–13:00 – барыллаан хапсыһыылар
13:00–14:00 – эбиэт
14:00–16:30 – финалга хапсыһыы
16:30–18:00 – муҥутуур кыайыылааҕы быһаарар хапсыһыы.
“Нам улууһа” МО пресс-сулууспата
Ыалбыт Ылдьаана хотуттан айгыстан, айманан кэллэ. Уонча хонукка туундараҕа саас кэлиитин көрө диэн көппүтүн сураҕын…
Бүгүн, бэс ыйын 1 күнүгэр, Дьокуускайга Өрөспүүбүлүкэ болуоссатыгар Улуу Кыайыы 80 сылынан дуобаттаатылар. Дуобатчыттарга ураты…
А.Р.Халдеева аатынан Бороҕон модельнай бибилэтиэкэтэ Улуу Кыайыы 80 сылынан Аҕа дойду сэриитин…
Тина Николаевна Лебедева — Саха АССР үтүөлээх бырааһа, Арассыыйа Федерациятын үтүөлээх учуутала, Бочуот уордьанын кавалера, СӨ…
О.П.Иванова - Сидоркевич аатынан Амматааҕы айар сайдыы киинэ сылын аайы үгэскэ кубулуйбут «Хотугу кустук» Амма…
Бэс ыйа -- от-мас, сир симэҕэ тиллэр, чыычаах ыллыыр, сайын саҕаланыыта, үрүҥ түүн түһүүтэ. Норуот…