Өҥүрүк куйаастан сэрэниҥ!
13.07.2024, 18:35
![](https://sakha-sire.ru/wp-content/uploads/2024/07/screenshot_20240713-172748__01__01__01.jpg)
Хаартыска -- СИА.
Бөлөххө киир:
Өҥүрүк куйаас доруобуйаҕа охсулаах буолуон сөп.
Ордук хаан баттааһына, сүрэх-тымыр ыарыылаах, аҕам саастаах дьон уонна оҕолор куйаастан эрэйдэнэллэр. Онон сүрүн сэрэтэр сүбэлэри туһанар ордук:
- Элбэх ууну иһиэххэ наада: чэйи, фруктаттан, отонтон утахтары, минеральнай ууну. Минньигэс гаастаах утахтары иһэртэн туттунуҥ. Кока-Кола, спрайт уонна лимонад курдук утахтар утаҕы ханнарбаттар. Арыгыны иһимэҥ.
- Кондиционер анныгар олорбокко эрэ, дьиэҕитин сотору-сотору сөрүүкэтэр температураҕа тутуҥ.
- Эт-хаан дьарыгыттан туттунуҥ, бытааннык хамсаныҥ, күлүккэ элбэхтик сылдьыҥ.
- Чэпчэки уонна сымнаҕас таҥаһы кэтиҥ. Таһырдьа тахсарга киэҥ кытыылаах сэлээппэни эбэтэр киэпкэни кэтэр ордук. Күн уотуттан (УФ) харыстыыр салгын ачыкытын хайаан да кэтиҥ. Уулаах бытыылканы илдьэ сылдьаргытын умнумаҥ.
- 12 чаастан 16 чааска диэри күн уотун саамай сыралҕанын кэмэ. Онон ультрафиолет радиациятын таһыма үрдүүрүн учуоттааҥ, күнтэн харыстыыр кириэми туттуҥ.
- Күнүс, кыаллар буоллаҕына, сөрүүн уунан душтаныҥ эбэтэр ваннаҕа сытан ылыҥ.
- Дьарҕарбыт ыарыылаах уонна эмп-томп иһэр дьон, ол сайыҥҥы куйааска киһи этигэр-сиинигэр хайдах дьайарын туһунан хайаан да быраастары кытта сүбэлэһиэхтээхтэр.
Бу сэрэтэр миэрэлэри туһанан, куйаас, итии күннэри холкутук тулуйуоххутун сөп. Доруобуйаҕытын харыстаныҥ. Доруобай буолуҥ!
+1
13
+1
+1
+1
1
+1
1
+1
+1
1
Сообщить об опечатке
Текст, который будет отправлен нашим редакторам: