Хаартыска -- СӨ Аҕа баһылыгын уонна Бырабыыталыстыбатын пресс-сулууспата
Арассыыйа Оборонатын миниистирэ, аармыйа генерала Сергей Кужугетович Шойгу бүгүн биир дойдулаахтарбытыгар – майор Игорь Юргиҥҥа уонна майор Николай Соболевка дойду үрдүк судаарыстыбаннай наҕараадаларын — Арассыыйа Дьоруойдарын Кыһыл Көмүс Сулустарын туттарда.
Бу туһунан бэйэтин ТГ-ханаалыгар Ил Дархан Айсен Николаев иһитиннэрдэ.
Арассыыйа байыаннай биэдэмистибэтин баһылыга Игорь Юргины уонна Николай Соболевы уһулуччу холобур буолар соругу толорбуттарыгар махтанна уонна салгыы байыаннай сулууспаҕа улахан ситиһиилэри баҕарда.
«Икки майор Саха Өрөспүүбүлүкэтиттэн төрүттээхтэр — Алдан оройуонун Аллараа Кураанаҕыттан уонна Дьокуускай куораттан. Кинилэр иккиэн байыаннай дьайыыга бастакы күннэртэн сылдьаллар. Иккиэн Хорсун быһыы уордьаннарынан, «За отвагу» мэтээлинэн, именной саанан наҕараадаламмыттара. Билигин иккиэн Арассыыйа Дьоруойдара бочуоттаах ааттаахтар.
Игорь уонна Николай наҕараадаларын тутаат, дойдуларыгар кэлиэхтэрэ. Биһиги кинилэри хайаан да көрсүөхпүт», — диэн эрдэ бэлиэтээбитэ Ил Дархан Айсен Николаев.
РФ Бэрэсидьиэнэ Владимир Путин Ил Дарханы кытта көрсүһүүтүгэр Саха сириттэн байыаннай дьайыыга сылдьар уолаттары хорсун буойуттар быһыытынан сыаналаабыта, махталын биллэрбитэ.
Ааспыт нэдиэлэ устата Дьокуускай куорат мээрийэтин административнай хамыыһыйата сымыйа кафеҕа, түүҥҥү кулуупка уонна итирдэр утахтары…
Соторутааҕыта тахсыбыт “Саха култууратын тиэрминнэрин нууччалыы-сахалыы, сахалыы-нууччалыы тылдьыта” дьоҥҥо-сэргэҕэ бэрт туһалаах буолсу. Аныгы курдук хас…
Чуапчы улууһун Соловьев нэһилиэгин баһылыгын боломуочуйатын болдьоҕун иннинэ тохтотор туһунан суут быһаарыыта күүһүгэр киирдэ. Чурапчы…
Офтальмология өрөспүүбүлүкэтээҕи балыыһатын мобильнай быраастара ыраах сытар нэһилиэнньэлээх пууннарга, ол иһигэр Арктика улуустарыгар, харахха эпэрээссийэлэри…
Бүгүн күнүс улуус киинин Амманы уонна Чакыр нэһилиэгин бэйэ-бэйэлэриттэн "арааран" турар Амма өрүс биир кытыллыттан…
Саха сиринээҕи Суут бириистэптэрин управлениетын Дьокуускай куораттааҕы салаата кирэдьиит төлөбүрүн төннөрөр туһунан дьыаланы түмүктээтэ. Дьокуускай…