Хаартыска бырайыактан туһанылынна
Дьокуускай куорат мэрэ Евгений Григорьевы кытта суруналыыстар көрсүһүүлэригэр Эпос уонна искусство Арктикатааҕы киинин тутуллуута ити эргин сытар оройуоннары саҥардыыга сабыдыаллыаҕын туһунан этилиннэ.
Бу эбийиэк куорат сүрүн култуурунай кининэн буолуоҕар бары да эрэнэбит. Дьокуускай куорат баһылыга Евгений Григорьев бөдөҥ комплекс туһунан бэйэтин санаатын үллэһиннэ, кини олохтоох нэһилиэнньэҕэ да, ыалдьыттарга улахан суолталааҕын тоһоҕолоон эттэ.
Мэр этэринэн, Эпос уонна искусство Арктикатааҕы киинэ култуурунай киин эрэ буолбакка, ону таһынан чугастааҕы территориялары кэҥэтиигэ, тупсарыыга көҕүлүөҕэ. Элбэх киһи сылдьар сиринэн буолара саарбаҕа суох, онуоха киин тула саҥа уулуссалар, искибиэрдэр уонна сынньанар сирдэр баар буолуохтара. Кырдьык итинник кэрэ көстүүлээх киин аттыгар тупсарыы барара хайаан даҕаны наада курдук. Онон сыыйа киин аттыгар турар Радиокиин кыбартаала тупсарыллыахтааҕын куорат баһылыга олус үчүгэйдик ойуулаан кэпсээтэ.
Евгений Григорьев маннык бырайыактар устуоруйаҕа суолталарын эмиэ тоһоҕолоото. Кини Сиднейдээҕи аатырбыт Опера тыйаатырын холобурдаата, ол тутуута элбэх ыарахаттары көрсүбүтүн да үрдүнэн, олохтоохтор утарылаһыыларын күүһүнэн, тутуллан, кэлин бүтүн Австралия ураты бэлиэтинэн буолбутун кэпсээтэ.
«Биһиэхэ мэлдьи, маннык эбийиэктэр билиҥҥи кэмҥэ суолталарын сыаналыырбыт ыарахан. Биһиги үксүн наада дуу, суох дуу диэн ыйытабыт. Ол эрээри, практика көрдөрөрүнэн, Эпос уонна искусство Арктикатааҕы киинин курдук тутуулар историяҕа хаалаллар. Кинилэр куорат ураты тутуутунан уонна киэн туттуутунан буолаллар», — диэн Евгений Григорьев бэлиэтээн эттэ.
Кини туһааннаах киин Дьокуускай инфраструктуратын уларытар эрэ буолбакка, ону таһынан эрэгийиэн култууратын уонна интеллектуальнай олоҕун символынан буолуоҕун быһаарда.
Өлөөн оройуонугар куоластааһын түмүктэнэр кэмигэр быыбардааччылар испииһэктэригэр киирбит дьон 65,25 бырыһыанын ылла. Быыбардыыр бүлүтүөҥҥэ түөрт…
Өймөкөөн улууһун Үчүгэй национальнай нэһилиэгин баһылыгар «Биир ньыгыл Арассыыйа» баартыйаттан турбут, анал байыаннай дьайыы кыттыылааҕа…
Мэҥэ Хаҥалас улууһугар биэс нэһилиэк олоҕор улахан суолталаах түгэн – нэһилиэк баһылыктарын быыбара – түмүктэннэ.…
Өймөкөөн, Үчүгэй, Төрүт уонна Аартык бөһүөлэгэр баһылыктары быыбардаатылар. Ону тэҥэ Биир кэлим куоластааһын күнүгэр нэһилиэк…
Олохтоох бириэмэнэн оруобуна 20:00 ч. өрөспүүбүлүкэ бары 293 быыбардыыр учаастага сабылынна диэн СӨ Киин быыбардыыр…
Бүгүн Муома оройуонугар улахан суолталаах быыбар буолан ааста диэн "Биир ньыгыл Арассыыйа" бэлитиичэскэй баартыйа Саха…