Андрей Сорокин хаартыскаҕа түһэриитэ, СИА
Балаҕан ыйын 27 күнүгэр бэлиэтэнэр Судаарыстыбаннас күнүгэр Арктика уонна ускуустуба киинин үлэҕэ киллэрии туһунан сорудаҕы СӨ Ил Дархана Айсен Николаев Дьокуускайга тутуллар эбийиэктэри көрүү түмүгүнэн биэрдэ.
Эбийиэк 70% кэриҥэ бэлэм. Сэттэ мэндиэмэн тухары ис өттүн оҥоһуу ыытыллар. Онно 165 киһи үлэлии сылдьар.
—Эбийиэк күһүн туттарыллыахтаах. Үлэ салҕанар. Үөрүүлээх быһыыга-майгыга арыйыыны балаҕан ыйын 27 күнүгэр былаанныыбыт. Үлэ хаачыстыбалаах буолара ирдэнэр. Бу Уһук Илин уонна Сибиир үрдүнэн ураты эбийиэк буолар. Манна былыргы култуура уонна аныгы технология дьүөрэлэһэллэр«, — диэн этэр Айсен Николаев.
Билигин киин ис өртүн тупсараллар, муостатын сылыталлар. Исписэлиистэр сценаны монтажтыыллар.
2024 сыллаахха улахан үлэ ыытыллыбыт. Дьиэ таһа, кырыыһата, тааһынан күөл, ураһаны көрдөрөр дьиэ үрдэ оҥоһуллубуттар. Ититии бэриллибит буолан, бэл, тымныы күннэргэ дьиэ иһигэр үлэ ыытылынна. Тыйаатырга туттуллар тэриллэр аҕалыллыбыттар.
Уопсайа 33 тыһ. кв.м. иэннээх уонна 36,7 м үрдүктээх эбийиэккэ филармония, бэлэмнэнэр, мультимедийнэй, сиэри-туому толорор саалалар, трансформер саала баар буолаллара былааннанар. Барыта 1530 киһи киирэн олорор миэстэлээх буолуо диэн этиллэр. Кырыыһатыгар амфитыйаатыр, дьон-сэргэ көрөр былаһаакката баар буолуохтаахтар.
Санатар буоллахха, Ил Дархан Айсен Николаев парламеҥҥа туһаайан этиитигэр, кииҥҥэ хас биирдии улуус уонна куорат уокуруга сыл ахсын сценаҕа булгуччу тахсыахтарын туһунан бэлиэтээбитэ. Бу Саха сирин бары олохтоохторун түмэрин бэлиэтээбитэ.
СӨ Ил Дарханын уонна Бырабыыталыстыбатын пресс-сулууспата
Андрей Сорокин хаартыскаларга түһэриитэ, СИА
Байыаннай дьайыы кыттыылаахтарын уонна кинилэр дьиэ кэргэттэрин чилиэттэрин суукканы эргиччи медико-психологическай көмөнөн өйүүр федеральнай чат…
Олунньу 10-13 күннэригэр “Саха киинэтин күннэрэ” Владимирскай уобаласка ыытыллыахтара. Уобалас Култуураҕа министиэристибэтин өйөбүлүнэн "Киинэ киинэ"…
Биһиги куораппытыгар сокуоннайа суох атыылааһын кыһалҕата өрүү сытыытык турар. Арыгынан барыстанааччылар, хааччахтааһыны уонна ыстараабы аахсыбакка,…
Арассыыйаҕа массыына ыытар быраабы ылар эксээмэни, мэдиссиинэ ыспыраапкатын көрдөрбөккө эрэ туттарары көҥүллүөхтэрин сөп. Ити туһунан…
Саха сиригэр устудьуоннарга – байыаннай дьайыы кыттыылаахтарыгар уонна кинилэр дьиэ кэргэттэригэр 1248 анал истипиэндьийэ бэриллэр…
"Иркутянка", "Иркутянин" диэн тыл биһиэхэ "күлүүс тыл" буолар эбит. Бу тылы иһиттэрбит эрэ, олох…