Хаартыскаҕа Андрей Сорокин түһэриитэ, СИА
Ил Дархан Эпос уонна ускуустуба Арктикатааҕы киинин тутуутун түргэтэтэргэ соруйда.
Судаарыстыбаннай филармония, Эпос уонна ускуустуба Арктикатааҕы киинин тутуутун кини көрдө. Тутааччылар үлэни 2024 сыл бүтүүтүгэр түмүктээн үлэҕэ киллэрэр былааннаахтар.
«Сүрүн сыал — тутуу сезонун кэмигэр былааны толоруу. Монолит-каркааһын оҥорон, ититиини биэрэн, кыһыҥҥы кэмҥэ тутар-монтажтыыр үлэлэр толоруллалларын курдук бэлэмниэххэ«, — диэн Айсен Николаев сорудахтаата.
«Семнадцатая концессионная компания» ХЭУо генеральнай дириэктэрэ Виктор Алексеенко былааны толорор туһуттан икки симиэнэнэн 200-тэн тахса киһи үлэлиирин кэпсээтэ. Бырайыагынан 360 сыбаайа былааннаммытын, онтон 62-тэ туруоруллубутун эттэ.
Бу кэмҥэ Эпос уонна ускуустуба Арктикатааҕы киинигэр, амфитыйаатыр тырыбынатын оҥороллор, о.д.а. үлэ ыытыллар. Филармония куорпуһугар сүрүн саалаҕа үлэ эмиэ оргуйан олорор. Муостатын ситэрэллэр-хотороллор. Көрөөччүлэр саалаларын, фойены уонна да атын сирдэри ис өртүн оҥоруу эскиһин дьүүллэһэллэр.
Бэлиэтэнэринэн, бу эбийиэк Уһук Илиҥҥэ эрэ буолбакка, Арассыыйаҕа тиийэ култуура улахан, баараҕай тутуутунан буолуохтаах. Уопсай иэнэ – 33 тыһ. кв. м., мэндиэмэнэ – 7. Тутуу үрдүгэ – 36,7 м. дьон-сэргэ олорон көрөр уопсай миэстэтэ – 1 530.
Судаарыстыбаннай филармония, Олоҥхо тыйаатыра уонна П.А.Ойуунускай аатынан Саха Академическай драматическай тыйаатыр манна киириэхтээхтэр. Маны сэргэ, тэрээһиннэри ыытар, быыстапкалыыр, сиэр-туом саалалара, дьоҕус уонна улахан бэлэмнэнэр саалалар, тыаһы-ууһу устар, таҥар устуудьуйа баар буолуохтаахтар.
Бу туһунан сиһилии https://www.sakha.gov.ru/news/front/view/id/3365416 көрүҥ.
СӨ Ил Дархан уонна Бырабыыталыстыба пресс-сулууспата
Хаартыскаларга Андрей Сорокин түһэриитэ, СИА
Александр Бастрыкин Светлай бөһүөлэгэр бэйдиэ сылдьар ыттар үөрдэрэ саастарын ситэ илик оҕолорго саба түспүт чахчытынан…
Норуоттар сомоҕолоһууларын күнүгэр «Норуот уонна аармыйа — биир сомоҕо» фашизмы утары өрөспүүбүлүкэтээҕи III пуорум чэрчитинэн,…
Бүгүн, сэтинньи 4 күнүгэр, СӨ Бырабыыталыстыбатын бэрэссэдээтэлэ Кирилл Бычков Норуот сомоҕолоһуутун күнүгэр анаммыт «Доҕордоһууну, Эйэни,…
Норуот сомоҕолоһуутун күнүгэр Дьокуускайга автопробег ыытылынна. Бу туһунан Дьокуускай куорат дьаһалтатын пресс-сулууспата иһитиннэрэр. Массыына холуонната…
Байанай ыйа саҕаланар биир күнүгэр Клара Андреевна уонна Никандр Прокопьевич Тимофеевтарга улуу олоҥхону дьоһуннаан олорон…
РФ Силиэстийэлиир кэмитиэтэ Саха сиригэр Алдан куоракка саахалланар туруктаах дьиэ олохтоохторун өр кэмҥэ көһөрбөтөх чахчытынан…