Эппиэтинэскэ тардыллан баран алименын төлөөбүт

Мииринэй олохтооҕо эппиэтинэскэ тардыллан баран алименын төлөөбүт.

Суут быһаарыытынан, гражданин дохуотун алта гыммыттан биир чааһын сокуоннай сааһын туола илик кыыһын хааччыйыыга ыытыахтаах эбит. Ол гынан баран, олохтоммут эбэһээтэлистибэтин бу киһи толорботох. Алименын төлөөбөтөҕүн иһин, суут бириистэбэ эр киһини РФ КоАП 5.35.1 ыст. 1 ч. административнай эппиэтинэскэ тардыбыт. Ити күн бу киһи туһунан иһитиннэрии алимеҥҥа иэстээх дьон реестригэр киллэриллибит.

Содула улахан буолуоҕун өйдөөн, эр киһи кылгас болдьох иһигэр 440 тыһ. солк. тахса иэһин толору төлөөбүт. Ол кэнниттэн кини туһунан иһитиннэрии реестртэн таһаарыллыбыт.

Саха сиринээҕи суут бириистэптэрин сулууспатын пресс-сулууспата