Эр дьон дьахтар төлөпүөнүн уорбуттар

Дьокуускайдааҕы ИДьМ 1-кы №-дээх салаатын дьуһуурунай чааһыгар олохтоох дьахтар кыбартыыратыттан төлөпүөнэ сүппүтүн туһунан иһитиннэрбит. Хоромньу 15 тыһ.солк. тэҥнэһэрин туһунан СӨ ИДьМ пресс-сулууспата суруйар.

Полиция үлэһиттэрэ быһаарбыттарынан, быһылаан буолбут күнүгэр эмсэҕэлээччи кыбартыыратыгар үчүгэйдик билбэт эр дьонун кытта арыгылаабыт.

Холуобунай ирдэбил үлэһиттэрэ бу дьону кимнээҕин уонна ханна баалларын быһаарбыттар. Бу — 43 уонна 64 саастаах эр дьон.

Быһаарыллыбытынан, бииргэ арыгылааһын кэмигэр этиспиттэр. Онно уорбаланааччылартан биирдэстэрэ эмсэҕэлээччи дьахтартан суотабай төлөпүөнүн уорбут. Оттон анараа киһитэ төлөпүөнү атыылаабыт. Ол харчытынан арыгы атыыласпыттар.

Уоруунан холуобунай дьыала тэрилиннэ.