Хаартыска: Ил Дархан уонна СӨ Бырабыыталыстыбатын пресс-сулууспата.
Былырыын Саха сиригэр 29 тыһыынчаттан тахса эр киһи репродуктивнай доруобуйаларын бэрэбиэркэлииргэ мэдиссиинэ көрүүтүн ааста.
Бу туһунан өрөспүүбүлүкэ доруобуйа харыстабылын министиэристибэтэ иһитиннэрдэ.
Диспансеризация кэмигэр тыһыынчаттан тахса киһи ыарыылара чопчу быһаарыллан, наадалаах эмтээһини саҕалаатылар. Бэрэбиэркэ чэрчитинэн эр дьон анкетаны, уролог эбэтэр хирург бэрэбиэркэтин, спермограмма анаалыһын, сыстыганнаах ыарыылар патогеннарын баарын-суоҕун, микрофлора анаалыһын (ПЦР-диагностика) уонна простат былчархайын УЗИ-тын ааһаллар. Ыарыы диагноһа чопчу билиннэҕинэ, быраас ыарыһаҕы диспансеризация испииһэгэр киирбэтэх эбии чинчийиилэргэ ыытар. Наада буоллаҕына, анал эбэтэр үрдүк технологиялаах эмтээһин, ону тэҥэ санаторнай-курортнай эмтээһин ананар.
Диспансеризацияҕа уонна үлэҕэ доруобуйаны бэрэбиэркэлииргэ суруттарарга биир кэлим колл-киин нүөмэригэр — 122; регистрацияны судаарыстыбаннай өҥөлөр порталларынан эбэтэр мэдиссиинэ тэрилтэтин реестрынан эмиэ оҥоруохха сөп. Пааспар уонна мэдиссиинэ страховкатын полиһын көрдөрөн, чинчийиилэри олорор сирдэринэн баар балыыһаларга босхо ааһаллар.
Арассыыйаҕа 2024 сылтан 18-тан 49-гар диэри саастаах эр дьон репродуктивнай доруобуйаларын чинчийиигэ туһуламмыт диспансеризация доруобуйаҕа куһаҕан дьайыыны оҥоруон сөптөөх ыарыылары эбэтэр усулуобуйалары эрдэттэн быһаарыы буолар. Бу үлэ быйылгыттан Арассыыйа Бэрэсидьиэнэ Владимир Путин көҕүлээбит “Уһун уонна көхтөөх олох” саҥа национальнай бырайыагын чэрчитинэн салҕанар.
Амма улууһун ИДьМ отделениетын үлэһиттэрэ үгэс быһыытынан «Полицейский Дед Мороз» диэн Бүтүн Арассыыйатааҕы аахсыйаҕа кыттыстылар.…
Үөһээ Бүлүү улууһугар 2025 сылга байыаннай дьайыы кыттыылаахтарыгар уонна кинилэр дьиэ кэргэттэригэр көмө оҥоруу бүттүүн…
Ньурба улууһун Чуукаар сэлиэнньэтигэр сүппүт 1955 с.т. дьахтары быыһааччылар уонна олохтоохтор көрдүүллэр, диэн Саха сиринээҕи…
В. П. Ларионов аатынан физика-тиэхиньикэ лиссиэйин саха тылын, литэрэтиирэтин учуутала, СӨ үөрэҕин туйгуна, “Саха тылын, литэрэтиирэтин бастыҥ…
Тохсунньу 17-18 күннэригэр Дьокуускайга «Триумф» успуорт уораҕайыгар чэпчэки атлетикаҕа Саха сирин кыһыҥҥы чөмпүйэнээтэ ыытыллыаҕа. Күрэхтэһии…
Нам сэлиэнньэтин Уопсастыбанньыктар дьиэлэригэр бойобуой дьайыылар бэтэрээннэрин икки ардыларыгар корнхолга бастакы турнир ыытылынна. «Тохсунньу томороон…