Эр дьон кабель уоран тутулуннулар

ИДьМ Дьокуускайдааҕы отделыгар биир хампаанньа бэрэстэбиитэлэ кинилэртэн 65 м уһуннаах кабель уоруллубутун туһунан иһитиннэрбит. Хоромньу 174 тыһ.солк. тэҥнэспит. Бу туһунан СӨ ИДьМ пресс-сулууспата суруйар.

Суһал-ирдиир тэрээһиннэри ыытан, холуобунай ирдэбил үлэһиттэрэ маныаха уорбаланар 37 уонна 38 саастаах эр дьону быһаарбыттар.

Быһаарыллыбытынан, биир эр киһи кабель баарын билэн, анараа киһини уорууга кучуйбут. Бу дьон түүн элбэх кыбартыыралаах дьиэ кырыыһатыгар тахсан, кабели быһан ылбыттар. Уорбуттарын туттаран харчы ылан, бэйэлэрин тус наадаларыгар бараабыттар.

Уоруунан холуобунай дьыала тэрилиннэ.