Эр дьон үөһээттэн сууллан эчэйдилэр

Ааспыт сууккаҕа Саха сиригэр биэс буруйу оҥоруу буолбутун туһунан СӨ борокуратуурата иһитиннэрэр. 

Дьокуускайга 1987 с.т. эр киһи доруобуйатын эчэппиттэр, уорбаланааччы быһаарыллыбыт.

Дьокуускайга бэлисипиэти уорбуттар, икки киһи түөкүттэргэ харчыларын албыннаппыт.

Хаҥалас Өктөмүгэр матасыыкыллаах киһи итирэн баран уруулга иккистээн олорбута биллибит.

Беркакит бөһүөлэгэр 1981 с.т. эр киһи кирилиэһинэн уот ситимин уларыта сылдьан сууллан, сыҥааҕын, сиһин уҥуохтарын тоһуппут.

 Нерюнгрига 1998 с.т. эр киһи ленталаах конвейер өрөмүөнүн кэмигэр түөрт миэтэрэ үрдүктэн сууллан, ойоҕосторун, сиһин уҥуохтарын тоһутан госпитализацияламмыт. 

Киһи өлүүлээх суол саахала бэлиэтэммэтэх.

Суукка устата итирик туруктаах аҕыс суоппары туппуттар.