Эр дьоннор күрэхтэһэллэр

Кэбээйи улууһун Чагда сэлиэнньэтигэр икки күн устата бильярд күрэҕэ буолан ааста.

Турнир “Көҥүл пирамида” нуучча бильярдын быраабылатынан ыытылынна. Күрэхтэһиигэ барыта 12 киһи кытынна. Сүрүн судьуйанан Федор Обутов буолла. Бириис пуондата кыттааччылар бэйэлэрэ укпут усунуостарыттан турар.

“Бу күрэхтэһиибит Улуу Кыайыы 80 сылыгар, Арассыыйаҕа Аҕа дойдуну көмүскээччи, Саха сиригэр Ийэ дойдуну көмүскээччи, улууска Патриотизм сылларыгар ананна. Уопсай түмүккэ биирдиилээн бастыыр иһин күрэххэ Семен Павлов бастаата, иккис миэстэҕэ Иосиф Ноговицын таҕыста уонна үһүс бириистээх миэстэни Иван Эверстов ылла”, — диэн иһитиннэрдэ “Тускул” култуураны сайыннарар киин уус-уран салайааччыта Альбина Ноговицына.