Хаартысканы оҥоһуу өй оҥордо.
Аҕыйах хонуктааҕыта Аллайыаха улууһун Бөрөлөөх нэһилиэгин сиригэр-уотугар хабыр хапсыһыы буолан ааспыт. Ол курдук, куораттан тиийэ сылдьар, дойдутугар кэлэн общинаҕа балыктаһар, 46 саастаах Альберт М. диэн киһи ыксаллаах түгэҥҥэ түбэһэн баран, тыыннаах орто.
Ол курдук, кини Бөрөлөөхтөн 7 чаас айаннаан доҕотторунуун тиийбит. Икки киһитэ ас буһара аара хаалбыттар. Кини олортон тэйиччи барааччы буолбут.
— Дьэ, доҕоор, таалаттан (сир сиҥнибитин ааттыыр) хагдаҥ эһэ көрүөх бэтэрээ өттүгэр ыстанан кэлбэтэ дуо. Өйдөөбөккө да хааллым. Ойоҕоспуттан түспүтэ. Хаҥас илиибин ытырда. Киирсии бөҕө буоллубут. Хата, сирэйбин таарыйбата. Мин илдьэ сылдьар тимирбинэн кэйиэлээтим. Ол быыһыгар тыатааҕы кэтэхпиттэн тарда сатаата. Капюшонум, бэргэһэм баар буолан, абыраата быһыылаах. Мин быыс булан хайа курдук баарыгар сүүрдүм. Хата, мин дьолбор диэххэ дуу, эккирэппэтэ. Бачча адьырҕалыын көрсүһүү суола суох хаалбата, илиим сүһүөҕэ тостуулаах. Балыыһаҕа баарбын. Сарсын сөмөлүөт кэллэҕинэ, куораттыыбын, — диэтэ Альберт, туох да буолбатаҕын курдук.
Кинини Бөрөлөөхтөн мотуордаах оҥочонон 14 чаас айаннатан аҕалбыттар.
— Альберт, кырдьаҕаһы көрөн баран төһө куттаммыккыный?
— Суох, куттамматаҕым, өлүөм диэн өйбөр да киирбэтэҕэ. Оҕолоох буолан, арааһа, көҥөннө быһыылаах.
Дьокуускай куоракка полицейскайдар балыыһаҕа киирбит табаарыһын каартатыттан мөлүйүөн аҥаара харчыны уорбут киһини туттулар. Бу туһунан…
Ахсынньы 24 күнүгэр «Бриллианты Якутии» ансаамбыл 2025 сылы түмүктүүр аһаҕас уруогун үрдүк таһымнаахтык ыытта! [gallery…
Үөрэх тиһигин оптимизацията үөрэх хаамыытыгар хоромньуну оҥоруо суохтаах. Бу туһунан өрөспүүбүлүкэ баһылыга Айсен Николаев Ил…
Социальнай пуонда Саха сирнээҕи салаата иһитиннэрэринэн, биэнсийэни уонна оҕо босуобуйаларын Саҥа дьыл иннинэ эрдэ биэриэхтэрэ. …
Ю.П. Степанов аатынан инбэлииттэри чөлүгэр түһэрэр өрөспүүбүлүкэтээҕи кииҥҥэ 557 байыаннай дьайыы кыттыылааҕа уонна кинилэр дьиэ…
Аны сайын Кэбээйи улууһугар Олоҥхо ыһыаҕа ыытыллар. Ону көрсө Сииттэ оскуолатын таһыгар төрөппүттэр оҕолорун кытта…