Эр киһи бэлисипиэт уоран баран, үлэтигэр айаннаабыт

Дьокуускайдааҕы полиция дьуһуурунай чааһыгар олохтоох дьахтар 50 тыһ.солк суумалаах бэлисипиэди уорбуттарын туһунан иһитиннэрбит. Бу туһунан СӨ ИДьМ пресс-сулууспата суруйар.

Холуобунай ирдэбил үлэһиттэрэ Үөһээ Бүлүү улууһуттан сылдьар 25 саастаах киһи уорбаланарын быһаарбыттар.

Быһаарыллыбытынан, бу киһи итирик туруктаах сылдьан чааһынай дьиэ таһыгар бэлисипиэт күлүүстэммэккэ турарын бэлиэтии көрбүт. Ким да аттыгар суоҕун туһанан, тырааныспары уорбут уонна үлэтигэр диэри тэбэн тиийбит.

Уоруунан холуобунай дьыала тэрилиннэ.