Эр киһи биэлсэргэ саба түспүт

Тохсунньу 25 күнүгэр 09:44  чааска Дьокуускай куоракка суһал көмө станциятыгар биир дьахтар көмө көрдөөн эрийбит. Ол курдук дьахтары итирик туруктаах кэргэнэ кырбаабыт эбит. Бу туһунан Дьокуускай куорат Суһал мэдиссиинискэй көмө сулууспатын  телеграм ханаала  иһитиннэрдэ. 

Суһал көмө миэдиктэрэ дьахтарга мэдиссиинискэй көмө оҥорор кэмнэригэр, эмсэҕэлээччи  кэргэнэ биэлсэргэ саба түспүт.  Ол түмүгэр  биэлсэр  эчэйиини ылбыт.

@ssmp_ykt суруйарынан, суһал көмө биригээдэтэ  тута  Росгвардия патрулун ыҥыран, биэлсэргэ саба түспүт эр киһини полиция отделыгар тутан аҕалбыттар.

Билигин туһааннаах түбэлтэ Ис дьыала министиэристибэтин учаскуобайдарын сулууспатын көрүүтүгэр киллэриллэн, силиэстийэлиир кэмитиэккэ дьыаланы ыытаары бэлэмнииллэр.