Эр киһи бохоруонаҕа сылдьан төлөпүөн уорбут

Дьокуускайга полиция  3-с №-дээх отделын дьуһуурунай чааһыгар олохтоох дьахтар суотабай төлөпүөнүн уордарбытын туһунан иһитиннэрбит. Дьахтар эппитинэн, кэргэнин бохоруоналыы сырыттаҕына, ким эрэ төлөпүөнүн уорбут. Бу туһунан СӨ ИДьМ пресс-сулууспата суруйар.

Холуобунай ирдэбил үлэһиттэрэ 32 саастаах киһи уорбаланарын быһаарбыттар.

Быһаарбыттарынан, бу киһи панихидаҕа ыҥырыллан сылдьыбыт. Ол сылдьан, остуолга төлөпүөн сытарын көрөн уоран ылбыт. Ону ломбардка 2 тыһ.солк. туттарбыт.

Уоруллубуту төннөрбүттэр, уоруунан холуобунай дьыала тэрилиннэ.