Эр киһи дьахтар муннун тоһуппут

Дьокуускайга Ньурба улууһуттан төрүттээх 34 саастаах киһиэхэ холуобунай дьыала тэрилиннэ. Кини бииргэ олорор дьахтарын эчэппит диэн СӨ ИДьМ иһитиннэрэр.

Полиция дааннайдарынан, дьуһуурунай чааска мэдиссиинэ тэрилтэтиттэн дьахтар муннута тостон кэлбитин туһунан иһитиннэрии киирбит. Полиция бэрэбиэркэ кэмигэр быһаарбытынан, дьахтары бииргэ олорор киһитэ охсубут.

Барыллаан быһаарыллыбытынан, бу дьон массыына иһигэр олорон айдаарсыбыт. Эр киһи дьахтары тоҥолоҕунан сирэйгэ охсубут, онно муннута тостубут.