Эр киһи дьахтартан иэстэһээри, перфоратор уорбут

Нерюнгри оройуоннааҕы полицията олохтоох, үлэтэ суох 38 саастаах киһи билэр дьахтарыттан перфоратор уорбутун тутта. Хоромньу 6 тыһ.солк. Бу туһунан Нерюнгри оройуоннааҕы ИДьМ иһитиннэрэр.

Быһаарыллыбытынан, эр киһи уонна кини доҕоро буолан эмсэҕэлээччи дьахтарга ыалдьыттаабыттар, арыгы испиттэр. Ол олорон кыраттан этиспиттэр. Эр киһи өһүргэммит уонна иэстэһиэх санаата киирбит. Дьахтар хоһугар перфоратор сытарын булан, ким да көрбөтүгэр көрүдүөргэ таһаарбыт. Кыбартыыраттан тахсан барарыгар илдьэ барбыт.

Уоруллубуту хаһаайкатыгар төннөрбүттэр. Уоруунан холуобунай дьыала тэрилиннэ.