Эр киһи дьахтары аһыммыт, ол иһин өлөрбүт

Хаҥалас улууһун Мохсоҕоллоох бөһүөлэгэр дьахтары өлөрүү холуобунай дьыалатын силиэстийэтэ түмүктэннэ. СӨ Силиэстийэлиир кэмитиэтэ иһитиннэрбитинэн, буруйданааччы дьахтары аһыммыт, ол иһин өлөрбүт.

Быһылаан Хаҥалас улууһугар от ыйыгар буолбута. Эр киһи билэр дьахтарын кытта аһыы утаҕы испиттэр. Дьахтар доруобуйата мөлтөҕүн, олох олоруон баҕарбатын туһунан үҥсэргээбит.

«Буруйданааччы доҕордуу сыһыаннаах дьахтарын аһынан, быһаҕынан түөскэ аспыт. Суһал көмө үлэһиттэрэ кэлэн, дьахтар өлбүтүн бигэргэппиттэр», — диэн иһитиннэриигэ суруллар.

Холуобунай дьыала суут көрүүтүгэр барбыт.