Эр киһи дьиэтин үрдүттэн сууллубут

Ааспыт сууккаҕа Саха сиригэр үс буруйу оҥоруу тахсыбыт. Манан процессуальнай бэрэбиэркэни ыытыыны уонна холуобунай дьыалалары чинчийиини СӨ Борокуратууратын уорганнара хонтуруолга туталлар.

Дьокуускайга бэлисипиэти уордулар. Ленскэйгэ биирдэм урбаанньыт анал стоянкатын күрүөтүн сиэккэтин алдьатан  икки матасыыкылы,  квадроциклы уордулар.

Нерюнгригэ  арыгы иһэн баран хат уруулга олорбут суоппары туттулар.

Дьокуускайга итии ууну бэйэтигэр куттубут  2023 с.т. оҕо госпитализацияланна.  Таатта Кыйытыгар 1987 с.т. эр киһи дьиэтин үрдүттэн сууллан эчэйиини ылан балыыһаҕа киирдэ.

Уус Маайаҕа Эдьээнтэн 15 км сиргэ Алдан өрүскэ мотуордаах оҥочонон айаннаан испит 1960 с.т. дьахтар уруулун кыайан туппакка, ууга түспүт. Дьахтар өлүгэ көстө илик.