Эр киһи иитэр оҕотун кырбаан, 19 сылга көҥүлэ быһылынна

Бүлүү улууһун хаста даҕаны сууттана сылдьыбыт 38 саастаах олохтооҕо 2022 сыл кулун тутарыттан ыам ыйыгар диэри кэргэнин уонна түөрт оҕотун кытта олорон, сааһын ситэ илик уол оҕону сотору буола-буола кырбыыра биллэн, сууттанна. Бу туһунан СӨ Үрдүкү Суудун пресс-сулууспата суруйар.

Түөрт оҕоттон иккитэ кини төрөппүт оҕото буолбатахтар. Эр киһи 10 саастаах уол оҕону төбөҕө, атахха охсуолаабыт, түөскэ, атахха тэбиэлээбит.

Суукка эр киһи буруйун билиммэтэх. Ол эрээри РФ ХК 117 ыст. 2 ч. «г» пуунунан эр киһи буруйдааҕа биллэн, биэс сылга көҥүлэ быһылларга уураахтаммыт.

Дьокуускай куораттааҕы суут 2023 сыл ыам ыйын 2 күнүнээҕи бириигэбэринэн, бу киһи накаастабылларын барытын холбоон, 19 сылга көҥүлүн хааччахтыырга анаабыттар. Сууттанааччы маны кытта сөбүлэспэккэ, Үрдүкү Суукка апелляция биэрбит. Суут дьыала матырыйаалларын көрөн баран, буруйдааһыны уонна накаастабылы уларыппатах. Бириигэбэр сокуоннай күүһүгэр киирбит.