Хаартыска: Андрей Сорокин, СИА.
Бүгүн СӨ Быыһыыр сулууспатын пресс-сулуупата Дьокуускайга эр киһи үс күнү быһа иитиэх кыыһын кырбаабытын туһунан иһитиннэрбитэ. Бу информация дьиҥэ суоҕунан ааҕыллар диэн СӨ ИДьМ пресс-сулууспата иһитиннэрэр.
Ол курдук, алтынньы 15 күнүгэр 18:09 чааска СӨ ИДьМ 3-с нүөмэрдээх полиция дьуһуурунай чааһыгар кыыс тастыҥ эдьиийин кытта кыбартыыраҕа сатаан киирбэккэ туралларын туһунан иһитиннэрии киирбит. Бу кыбартыыраҕа кыыс 39 саастаах ийэтэ бииргэ олорор киһитинээн бааллар эбит. Ыйыллыбыт аадырыска учаастактааҕы боломуочуйалаах полиция тиийбитигэр, 18 саастаах кыыс уонна кини 42 саастаах эдьиийэ кыбартыыраҕа баар кыыс ийэтэ аанын арыйбатын, баҕардар бииргэ олорор киһитэ кырбаабыта буолуо диэн иһитиннэрбиттэр.
Полиция ааны арыйыҥ диэн ирдэспит, ким да арыйбатах. Онтон СӨ Быыһыыр сулууспатын исписэлиистэрин ыҥырбыттар. Кинилэр кэлэн ааны арыйбыттар.
Манна биллибитинэн дьиэлээхтэр иккиэн итирик туруктаахтар эбит. 39 саастаах дьахтар быһаарбытынан, кини бу 43 саастаах киһитин кытта үс күнү быһа арыгылаабыттар. Дьоно уонна полиция кэлбиттэриттэн куттанан, аанын арыйбатах.
Салгыы дьахтар эр киһини туохха да уорбалаабатын, кырбамматаҕын иһитиннэрбит.
Үүнэр сылы хайдах көрсөҕүн да, кэлэр сылыҥ оннук буолар диэн өс хоһооно баар. Дьэ, ол…
Ахсынньы 15 күнүгэр Чэй күнэ бэлиэтэнэр. Онон, маннык тымныы, туманнаах күҥҥэ итии чэйдэ иһиэҕиҥ! Былыр,…
Бүгүн, ахсынньы 15 күнүгэр, Саха сирин үгүс улуустарыгар хаар түһэрэ күүтүллэр диэн УГМС иһитиннэрэр. Хоту,…
"Биисинэс-Экспо" урбаанньыттар быыстапкалара 2010 сылтан ыла ыытыллар буоллаҕына, Вера Лиханова бу тэрээһиҥҥэ 2019 сылтан ыла…
Ньурба улууһун Хорула нэһилиэгин Е.К. Федоров аатынан орто оскуолатыгар 204 саастаах алтан чуораан баар. "2020…
Ахсынньы 14 күнүгэр Саха сирин Бырабыыталыстыбатын Бэрэссэдээтэлин бастакы солбуйааччы Дмитрий Садовников Горнайга Атамайдааҕы элбэх өҥөнү…