Эр киһи маҕаһыын таһыттан көлүөһэ эрэһиинэтин уорбут

Дьокуускайга полиция үлэһиттэрэ массыына көлүөһэтин эрэһиинэтин уорбут киһини туттулар.

Хоромньу 68 тыһ.солкуобайга тэҥнэспит. Силиэстийэ иһитиннэрбитинэн, Үөһээ Бүлүү улууһун 42 саастаах олохтооҕо спецтехника маҕаһыынын таһыгар көлүөһэ эрэһиинэлэрэ (шины) сыталларын көрөн түүн маҕаһыын олбуоругар киирбит. Күрүө нөҥүө уорбут эрэһиинэлэрин быраҕаттаабыт уонна уорбутун 20 тыһ.солкуобайга атыылаабыт. Харчытынан иэһин төлөөбүт уонна арыгы атыыласпыт.

РФ холуобунай кодексатын 158 ыст. 1 ч. «Уоруу» диэнинэн холуобунай дьыала тэриллибит. Накаастабыл миэрэтэ, икки сылга диэри көҥүлэ быһыллыан сөп диэн ИДьМ пресс-сулууспата иһитиннэрэр.