Эр киһи массыынаҕа киирэн биэрэн суорума суолланна

Тохсунньу 19  күнүгэр,  күнүс 2 чаас  40 мүнүүтэҕэ,  Ис дьыала министиэристибэтин Мэҥэ Хаҥалас улууһунааҕы Майатааҕы дьуһуурунай чааһыгар, түүн 2 чаас саҕана Майа сэлиэнньэтин травматологическай  отделениетыгар  саахалга түбэһэн эчэйиини ылбыт  1975 сыллаах төрүөх эр киһи киирбитин туһунан иһитиннэрии киирбит.  Мэдиссиинискэй көмөнү оҥоруу кэмигэр эр киһи   реанимация  отделениетыгар өлбүт. Бу туһунан 

Госавтоиниспиэксийэ иһитиннэрэринэн, барыллааһын быһыытынан 1991 сыллаах төрүөх суоппар «Тойота Королла Аксио» массыынанан Майаттан Аллараа Бэстээххэ  айаннаан иһэн,  тохсунньу 19 күнүгэр түүн  2 чаас саҕана  1975 сыллаах төрүөх киһини түҥнэри көппүт.

Суоппар кэпсээбитинэн, кини айаннаан иһэн суол кытыытыгар   уҥа өттүгэр  тэмтээкэйдээн  хааман иһэр киһини көрөн,   70 км/ч диэри бытаарбыт.  Ол гынан баран  сатыы киһи диэки чугаһаабытыгар, эмискэ эр киһи суолга тахсан, массыынаҕа киирэн биэрбит.  Бу кэннэ тута суоппар уонна пассажирдар эмсэҕэлээбит киһиэхэ бастакы мэдиссиинискэй көмөнү оҥоро сатаабыттар.  Салгыы Майаҕа балыыһаҕа илдьибиттэр. Эр киһи улахан эчэйиини ылан реанимацияҕа киирэн суорума суолламмыт.

Билигин тахсыбыт быһылаанынан бэрэбиэркэ барар, эспэртиисэ ыытыллыаҕа.