Эр киһи массыынатыгар арыгы атыылаан тутулунна

Дьокуускайдааҕы полиция үлэһиттэрэ «Жилой сектор» суһал-профилактическай тэрээһини ыыта сылдьан, арыгыны атыылааһыҥҥа биэс буруйу кэһии буолбутун быһаарбыттар, 65 лиитэрэ испиирдээх бородууксуйа былдьаммыт диэн СӨ ИДьМ пресс-сулууспата суруйар.

Каландаришвили, Якутскай уул. уонна Хатыҥ Үрэх шоссетыгар баар бородуукта маҕаһыыннара 20:00 чаас кэнниттэн арыгы атыылыыллара биллибит. Итини таһынан Федор Попов уул. баар маҕаһыыҥҥа полицейскайдар арыгы атыылааһыҥҥа кэһии баарын бэлиэтээбиттэр.

Оттон Октябрьскай уулуссатыгар бутлегеры туппуттар. 42 саастаах эр киһи массыынатыгар арыгы атыылыы сылдьыбыт. Массыынатыттан испиирдээх борокуускуйаны булбуттар.

Быраабы кэһээччилэргэ административнай боротокуоллар толоруллубуттар.