Эр киһи уонна дьахтар маҕаһыыны халаабыттар

Дьокуускай куораттааҕы полиция 2-с №-дээх отделын холуобунай ирдэбилин үлэһиттэрэ Лермонтов уулуссатыгар баар маҕаһыыны халааһыҥҥа уорбаланар 34 саастаах эр киһини уонна 36 саастаах дьахтары быһаарбыттар. Бу туһунан СӨ ИДьМ пресс-сулууспата суруйар.

Хоромньу 100 тыһ.солк. тахса суумаҕа тэҥнэспит.

Барыллаан быһаарбыттарынан, уорбаланааччылар түүн маҕаһыын аанын алдьатан киирэн, 23 тыһ.солк. харчыны, ноутбугу уонна эр киһи унтуутун уорбуттар. Уорбут харчыларынан арыгы уонна ас-үөл атыыласпыттар, ноутбугу уонна унтууну атыылаабыттар.

Уоруунан холуобунай дьыала тэрилиннэ.