Эр киһи үөһэттэн сууллан суорума суолланна

Ааспыт сууккаҕа Саха сиригэр  буруйу оҥоруу икки түбэлтэтэ тахсыбыт. Манан процессуальнай бэрэбиэркэни ыытыыны уонна холуобунай дьыалалары чинчийиини СӨ Борокуратууратын уорганнара хонтуруолга туталлар.

Бүлүү куоракка 1995 с.т. дьахтар доруобуйатыгар  ыар эчэтиини оҥордулар. Буруйдаах ким буолара быһаарылынна.

Дьокуускай куоракка  арыгы иһэн баран  хат уруулга олоруу түбэлтэтэ бэлиэтэннэ.

Мииринэй оройуонугар 1982 с.т. эр киһи өлүгэ көһүннэ. Эр киһи монтажтыыр үлэҕэ сылдьан 5 м. үрдүктээх сиртэн сууллан түспүт.

Мэҥэ Хаҥалас улууһугар «Халыма» федеральнай суол  42 км  «Тойота Филдер» уонна  «Тойота Ланд Крузер» массыыналар кыттыылаах суол быһылаана таҕыста.   «Тойота Филдер» суоппара эчэйиини ылан балыыһаланна.