Эр киһи үһүс этээстэн сууллубут

Ааспыт сууккаҕа Саха сирин үрдүнэн буруйу оҥоруу үс түбэлтэтэ бэлиэтэммитин туһунан СӨ Борокуратуурата  иһитиннэрдэ.

Дьокуускай куорат Горькай уулуссаҕа баар биир дьиэ үһүс этээһиттэн эр киһи сууллубут, эчэйбит уонна балыыһаҕа киирбит. Билиҥҥи туругунан, быһылаан төрүөтэ быһаарыллар. Ону таһынан, суукка устата киин куоракка наркотигы сокуоннайа суох эргиниигэ сыһыаннаах буруйу оҥоруу тохтотулунна.

Дьокуускайга уонна Амма улууһугар итирик туруктаах иккиһин уруулга олорбут суоппардар тутулуннулар. Суукка иһигэр уопсайа сэттэ итирик туруктаах суоппар тутуллубут.