Эр киһини бииргэ олорор дьахтара быһахтаабыт

Хаҥалас улууһугар дьахтар бииргэ олорор эр киһитин быһаҕынан анньан эчэтэн,   холуобунай дьыала тэрилиннэ.  

Биир сарсыарда 53 саастаах эр киһи  быһаҕынан анньыллан балыыһаҕа госпитализацияламмыт.  Туһааннаах быһылаан туһунан балыыһа үлэһиттэрэ Хаҥаластааҕы полиция отделын дьуһуурунай чааһыгар биллэрбиттэр.

Полицейскайдар быһаарсан билбиттэрэ, эмсэҕэлээччи дьиэтигэр урут  уорууга сууттана сылдьыбыт 47 саастаах бииргэ олорор дьахтарын кытары арыгылаабыттар. Ол олорон этиһэн айдаарсыбыттар. Дьахтар кыыһыран быһаҕы  ылан эр киһитин иһигэр анньыбыт.

Билигин дьахтарга РФ Холуобунай кодексын 111 ыст. 2 ч. холуобунай дьыала көбүтүлүннэ  диэн ИДьМ пресс-сулууспата иһитиннэрдэ.