Эр киһини быһахтаан өлөрүү, үһүс этээстэн сууллуу, күүһүлээһин…

Саха сиригэр ааспыт сууккаҕа 10 буруйу оҥоруу тахсыбытын туһунан СӨ дьуһуурунай борокуруора иһитиннэрэр.

Дьокуускайга Покровскай тракка баар дьиэттэн быһаҕынан анньыллыбыт эр киһи өлүгүн буллулар. Уорбаланааччы быһаарылынна.

Дьокуускайга уонна Дьааҥы улууһугар икки эр киһи доруобуйатын улаханнык эчэппиттэр. Уорбаланааччылары быһаардылар.

Киин куоракка күүһүлээһин буолбутун туһунан сайабылыанньа киирбит.

Итиэннэ түөкүттэр 2,7 мөл. солк. харчыны уорбуттара биллибит. Ол иһигэр 20 саастаах кыыс 2,4 мөл. солк. инвестияҕа ыытабын диэн албыннаппыт.

Аллараа Бэстээххэ аһыы утаҕы иһэн баран уруулга олорбут киһи иккистээн тутуллубут.

Дьокуускайга Петр Алексеев уулуссатыгар баар дьиэ үһүс этээһиттэн сууллан, эр киһи балыыһаҕа киирбит.

Суукка иһигэр итирик туруктаах 12 суоппар тутуллубут.