Эр киһини эчэттилэр, 5,2 мөл.солк. уордулар

Ааспыт сууккаҕа Саха сиригэр  буруйу оҥоруу икки  түбэлтэтэ тахсыбыт. Манан процессуальнай бэрэбиэркэни ыытыыны уонна холуобунай дьыалалары чинчийиини СӨ Борокуратууратын уорганнара хонтуруолга туталлар.

Хаҥалас улууһун Ой сэлиэнньэтигэр 1985 с.т. эр киһи доруобуйатын эчэттилэр. Эр киһи балыыһаҕа киирдэ.

Дьокуускай куоракка түөкүннээһиҥҥэ холуобунай дьыала тэрилиннэ. Ол курдук  инженер программистан сымыйа «нолуок сулууспатын үлэһитин», «Госуслуги» ааттарыттан эрийэн, 5,2 мөл. солк. уордулар.

Суукка устата итирик туруктаах 4 суоппар тутулунна.