Эр киһини өлөрө сатаабыт Орто Халыма олохтооҕо тутулунна

Силиэстийэлиир кэмитиэт Халыматааҕы оройуоннар икки ардыларынааҕы силиэстийэлиир отдела РФ Холуобунай кодексын 30 ыст. 3 ч.  – 105  ыст. 1 ч. тэриллибит холуобунай дьыаланы силиэстийэлиир.

Ол курдук  44 саастаах эр киһи итирик туруктаах эмсэҕэлээччини кытары Орто Халыма улууһун Березовка бөһүөлэгиттэн 150 км сиргэ баар табаһыттар биригээдэлэригэр сылдьыбыт. Эр дьон икки ардыларыгар иирсээн тахсыбыт. Онуоха буруйданааччы   киниттэн куотан эрэр  эмсэҕэлээччи диэки ытыалаабыт.

Тута атын дьон мэһэйдэһэн итиэннэ эмсэҕэлээччигэ суһал мэдиссиинискэй көмө оҥоһуллан, эр киһи өлөр өлүүттэн  быыһаммыт.

Билигин эр киһи тутуллан хаайыллыбытын уонна   силиэстийэлиир үлэ салгыы ыытылларын туһунан СӨ Силиэстийэлиир кэмитиэтэ иһитиннэрдэ.