Андрей Сорокин, ЯСИА
Булуҥ оройуонун суута Эдьигээн олохтооҕун буруйдааҕынан билиннэ. Кини утарылаһааччытын куруусканан төбөҕө охсон, киһи өлүүтүгэр тиэрдибит ыар эчэйиини оҥорбутугар буруйданна.
Суут быһаарыытынан, быһылаан былырыын ыам ыйын 1 күнүгэр арыгы иһэ олордохторуна тахсыбыт. Бастаан дьахтар иирсибит дьүөгэтин муостаҕа охторбут. Эр киһи дьахтары көмүскэһэн, буруйдааҕы охсубут уонна футболкатын тырыта тыыппыт. Ол кэннэ дьахтар эр киһини куруусканан төбөҕө биирдэ охсубут.
Эр киһи төбөтүгэр ыар эчэйиини ылан, ыам ыйын 16 күнүгэр балыыһаҕа өйүн булбакка сытан тыына быстыбыт. Суукка буруйданааччы буруйун толору билиммит уонна кэмсинэрин эппит. Суут кини биэс сааһын туола илик оҕолоох (саамай кыралара үс саастаах) буоларын, ону тэҥэ иирсээн саҕаланарыгар эр киһи бэйэтэ охсубутун учуоттаабыт.
Суут дьахтары 4 сыл 6 ыйга уопсай эрэсииминэн көннөрөр холуонньаҕа ыытарга уурбут. Ол эрээри, саамай кыра оҕото 14 сааһын туолуор диэри бириигэбэр толоруллуутун көһөрдүлэр. Бириигэбэр сокуоннай күүһүгэр киирэ илик диэн СӨ Сууттарын холбоһуктаах пресс-сулууспата иһитиннэрэр.
Бэлимиэни элбэхтик сиир буоллахха ыйааһын эбиллиэн, киһи иһэн-үллэн хаалыан, сүрэххэ ноҕурууска улаатыан, ас буһарыыта кэһиллиэн …
Олунньу 15 күнүгэр биллэр режиссер уонна продюсер, СӨ Ускуустубатын үтүөлээх диэйэтэлэ Дмитрий Давыдов «Маут» диэн…
Эрдэҕэс саас диэн 12-17 саастаах оҕолору ааттыыллар. Сорохторго "подростковайдаабыт" дэнэр саастара эрдэлээн 12 саастарыттан саҕаланар.…
Билигин магнитнай буурҕалар үгүстүк түһэллэринэн, эдэр да саастаах дьон төбөлөрө сотору-сотору ыалдьыан сөп. Төбө ыарыытыгар…
Үгүс хаһаайкалар ас астыы сылдьан эт кырбыылларыгар убаһа, ынах сыатын туспа быһан салапааҥҥа суулууллар уонна…
Бу сайын Дьокуускайга Норуоттар икки ардыларынааҕы интеллектуальнай оонньуулар ыытыллыахтара, онно Азия 20 дойдутуттан оскуола оҕолоро…