Хаартыскаҕва Егор Карпов түһэриитэ
Үөһээ Бүлүү мадьыныта Эрчим Баппаҕай Тааттаҕа «Манчаары оонньууларыгар» мас тардыһыытын күрэхтэһиитигэр муҥутуур кыайыылааҕынан буолла.
Киниэхэ «Toyota Wish» мааркалаах массыына күлүүһэ туттарылынна.
От ыйын 10 күнүгэр Ытык Күөлгэ «Дьулуруйар Ньургун Боотур» стадиоҥҥа кэрэхсэбиллээх киирсии буолан ааста. Быһаарыылаах хапсыһыыга Эрчим Баппаҕай кыахтаах утарсааччытын Никита Татариновы кытта кииристэ. Тыҥааһыннаах киирсии икки төгүллээх муҥутуур кыайыылаах эрэллээх кыайыытынан түмүктэннэ.
Супер-бирииһи Саха Өрөспүүбүлүкэтин мас тардыһыыга Федерацията, Таатта улууһун дьаһалтата уонна Баайаҕа нэһилиэгэ туруордулар. Муҥутуур кыайыылаахха маннык күндү бэлэх «Манчаары оонньууларыгар» иккитэ — 1999 уонна 2005 сыллардаахха туттарыллыбыта. Оччолорго массыына бирииһи Нерюнгриттан төрүттээх аатырбыт Николай Колодко ылбыта.
Ити курдук, Эрчим Баппаҕай иккиһин өрөспүүбүлүкэ күүстээхтэрин «Аар Дархана» буолан, бэйэтин аатын мас тардыһыы көмүс кинигэтигэр үйэ-саас тухары суруттарда.
Бүгүн Дьокуускайга «Патриот» ыччат киинин үөрүүлээх аһыллыыта буолан ааста. Бу аныгы кэм ыччатын сайдар, үүнэр,…
Бүгүн Саха сиригэр бастакы Уһук Илиҥҥэ биир бөдөҥ элбэх функциялаах «Патриот» ыччат киинэ үөрүүлээх быһыыга-майгыга…
Бүгүн Саха сиригэр бастакы элбэх функциялаах «Патриот» ыччат киинэ аһылынна. Бу киин Уһук Илиҥҥэ биир…
СӨ Бырабыыталыстыбатын Бэрэссэдээтэлин бастакы солбуйааччы Дмитрий Садовников ыксаллаах быһыыга-майыга түбэспит дьону көрдүүр-быыһыыр үлэлэр статистикаларын туһунан…
Норуодунай фронт эрэгийиэннээҕи салаатын үлэһитэ Дмитрий Паньков этэринэн, Арассыыйа Бэрэсидьиэнэ ыыппыт быһа кэпсэтиитигэр Саха сириттэн…
Өрөспүүбүлүкэ муниципальнай тэриллиилэрин бэрэстэбиитэллээх уорганнарын дьокутааттарын III Сийиэһэ ахсынньы 17 күнүгэр саҕаланар. III Сийиэс бырагыраамата…