Алтынньы 14 күнүгэр Максим Аммосов аатынан Хотугулуу-Илиҥҥи федеральнай университет научнай бибилэтиэкэтигэр «Сэргэлээх уоттара» литературнай түмсүүгэ Эрчимэн үөрэнээччилэрэ итиэннэ айар куттаах билиҥҥи ыччаттар мустаннар истиҥ-иһирэх кэпсэтиини тэрийдилэр.
«Егор Петрович Шестаков-Эрчимэн ыччаты уһуйааччы, уһулуччулаах кириитик» диэн тиэмэҕэ тыл билимин хандьыдаата, институт дириэктэрин билимҥэ солбуйааччы, «Сэргэлээх уоттара» литературнай түмсүү салайааччыта Матрена Петровна Попова дакылаат аахпытын истээччилэр бэркэ сэргээтилэр.
Үтүө киһи өллө да кини аата умнуллуо суохтаах. Кэмиттэн кэмигэр, бэлиэ сылыгар аатын ааттаан, ахтыы киэһэлэрин, айар күрэхтэри эбэтэр, кыаллар буоллаҕына, өйдөбүнньүк кинигэ таһааран махтал тылларынан тыыннаахтар ахтан ааһар ытык иэстээхпит.
Егор Петровиһы кытта маҥнай ханна, хайдах көрсүбүттэриттэн саҕалаан, «Сэргэлээх уоттарыттан» кынаттанан көппүт махталлаах үөрэнээччилэриттэн иһирэх кэпсэтиигэ кыттыыны ыллылар: ыстаарастанан талыллан айымньылаахтык дьарыктаммыт үөрэнээччитэ Ольга Корякина-Умсуура, уруһуйдьут уолунан «сүрэхтэммит» Борис Павлов, оччолорго сытыы кириитикэһитинэн биллибит Аскалон Егоров- Өркөн Дьол, биир бастыҥ кыттааччы Александра Исакова, 80-с сыллардааҕы биир бастыҥ ыстаараста Людмила Баишева уо.д.а.
Егор Петрович кэргэнэ Александра Николаевна Кардашевская-Харыстаана бэйэтэ суруйбут анабыл хоһоонун аахта, олоҕун кэрчик кэмнэриттэн ахтан ааста.
Эрчимэн «Якутскай уоттара» хоһоонун бу сайын «Таммахтар» литературнай холбоһукка ыытыллыбыт «Эрчимэн ааҕыыларын» кыайыылааҕа Инна Николаева ааҕыытын дохсун ытыс тыаһынан доҕуһуоллаатылар.
Бу дьоро күн үөрүүтүн Маргарита Самсонова салайааччылаах «Күн ситимэ» үҥкүү, Анна Попова салайааччылаах «Умсулҕан» ырыа бөлөхтөрө киэргэттилэр.
Егор Петрович үөрэхпитин бүтэрэн барарбытыгар:
— Эһиги үлэлии тиийбит сиргитигэр айар оҕолору, ыччаттары өйөөн, бу «Сэргэлээх уоттара» түмсүүттэн ылбыт үөрэххитин тирэх оҥостон кэскиллээхтик үлэлээҥ! – диэн эппитэ.
Убаастыыр, ытыктыыр, тумус туттар учууталбыт Егор Петрович туһунан ахтан-санаан ааһар күммүтүгэр улахан быыстапканан, видеопрезентациянан көмө буолбут научнай бибилэтиэкэ үлэһиттэригэр (дириэктэр Светлана Дмитриевна Ушницкая) барҕа махталбытын тиэрдэбит.
Августина ХАБАРОВА
Бүгүн, ахсынньы 13 күнэ, САССР норуодунай артыыһа, сахалартан бастакынан улуу сирдьит Ленин оруолун саха национальнай…
Маны туһанан Арассыыйаҕа түөкүттэр сиэри таһынан баран эрэллэр. Куйаар ситимэ киириэҕиттэн бэйэтэ да түргэтээбит, ааһа…
Саҥа сылы көрсө харыйаны туруоруу, дьиэни киэргэтии аҥаардас бырааһынньыкка эрэ бэлэмнэнии буолбатах. Фэн-шуй этэринэн, бу барыта…
Биир үтүө күн маҕаһыыҥҥа бэркэ билэр дьахтарбын көрсө түстүм. Билэр киһи сиэринэн, үөрэ-көтө дорооболоһоору гыммытым,…
Дойду бэйэтэ оҥорон таһаарар аһынан-үөлүнэн хааччынар буоллаҕына, бигэ туруктаах, сарсыҥҥыга эрэллээх, дьоно-сэргэтэ чэгиэн туруктаах буолар.…
Чэпчэтиилээх куортам бырагыраамата 2022 сыллаахха Илиҥҥи экэнэмиичэскэй пуорум үлэтин түмүгүнэн, бэрэсидьиэн Владимир Путин көҕүлээһининэн, олоххо…