Эрдэ көһөрүллүбүт социальнай эбийиэктэр үгүстэрэ быйыл үлэҕэ киирдилэр  

СӨ Баһылыга Айсен Николаев 2024 сылга Судаарыстыбаннай Мунньахха (Ил Түмэн) Ыҥырыытыгар биэрбит сорудаҕын толорон, өрөспүүбүлүкэҕэ урут тутуута көһөрүллүбүт 16 социальнай эбийиэк үксэ үлэҕэ киирбит.

2025 сылга диэри көһөрүллүбүт 16 социальнай инфраструктура эбийиэгиттэн күн бүгүҥҥэ диэри 11 үлэҕэ киирдэ. Олор истэригэр Дьокуускайга доруобуйаларынан хааччахтаах оҕолорго аналлаах адаптивнай үөрэх комплексын бастакы уочарата, Аллараа Бэстээххэ култуура сайдыытын киинэ, Кириэстээх нэһилиэгэр Саргы Түһүлгэтэ социальнай-култуурунай киин, Мииринэйгэ политехническэй лицей спортивнай саалатын дьиэтэ, Нерюнгри Киин оройуонун балыыһатыгар дьахтар консультациятын, Дьокуускай куорат Спортивнай микрорайонугар 240 миэстэлээх оҕо саадын тутуулара уо.д.а. Өссө икки эбийиэк – Таатта улууһугар Чөркөөх нэһилиэгэр модульнай спортивнай саала уонна Дьокуускай к. Спортивнай микрооройуонугар элбэх функциялаах спортивнай саала 2025 сыл бүтүөр диэри аһыллыахтаахтар, үлэ бүтэһик түһүмэҕэр сылдьар.

Ахсынньы 23 күнүгэр күнүс 12:00 чааска Айсен Николаев Ил Түмэҥҥэ Анал этиитэ  «Якутия 24», «Саха» НКИХ уонна «Россия 24» ханаалларга, ону тэҥэ «Тэтим» уонна «Радио России » Саха араадьыйаларыгар быһа эпииргэ тахсыаҕа. Өрөспүүбүлүкэ баһылыга өрөспүүбүлүкэ 2025 сыллааҕы социальнай-экэнэмиичэскэй сайдыытын түмүктэрин, кэлэр сылга судаарыстыбаннай уонна олохтоох салайыныы уорганнарыгар сүрүн соруктары ыйыаҕа.

Сиһилии  https://www.sakha.gov.ru/news/17421 сигэнэн аах.