Эрдэ үлэлии сылдьыбыт маҕаһыыныттан харчы уорбут

Дьокуускайдааҕы полиция отделын дьуһуурунай чааһыгар маҕаһыын бэрэстэбиитэлэ 200 тыһ.солк. кэриҥэ харчы уорбуттарын туһунан иһитиннэрбит. Бу туһунан СӨ ИДьМ пресс-сулууспата суруйар.

Холуобунай ирдэбил үлэһиттэрэ маныаха маҕаһыыҥҥа эрдэ үлэлии сылдьыбыт 23 саастаах киһи уорбаланарын быһаарбыттар.

Быһаарыллыбытынан, бу киһи урукку кэллиэгэлэрин кытта көрсө диэн кэлбит. Харчыны уурар кэбиниэттэригэр салалта суоҕун бэлиэтии көрөн, эр киһи төлөпүөнүн ииттэрэ диэн сылтаҕыран хаалбыт.

Маҕаһыын сабыллыбытын кэнниттэн үлэһит каассаттан харчыны кабинекка аҕалан ыскаапка укпут уонна барбыт. Уорбаланааччы кэбиниэккэ соҕотох хаалан, 198 тыһ.солк. уорбут уонна тахсан барбыт. Уорбут харчытын бэйэтэ билбитинэн туттубут.

Уоруунан холуобунай дьыала тэриллибит.