Эрдэҕэс саастаах оҕо түүннэри сылдьар буоллаҕына…

Сокуоннай сааһын ситэ илик оҕо уопсастыбаннай миэстэҕэ түүннэри сылдьара сэрэхтээх. Киниэхэ бэйэтигэр даҕаны, ону сэргэ алҕас буруйу да оҥоруон сөп диэн психологтар бэлиэтииллэр. 

РФ оҕо бырааһа Виктор Краснов  оҕо хойутаан дьиэ боруогун саҥа атыллаатын кытта хаһан да хаһыытаан көрсүмэҥ диэн сүбэлиир. Ол кэриэтин төрөппүт холкутук: «Туох буолла, барыта этэҥҥэ дуо?», — диэн ыйыта тоһуйуохтаах. Оҕо ханна, кимниин сылдьарын төрөппүт билиэхтээх. Сорох төрөппүттэр үлэлэринэн, тус дьарыктарынан үлүһүйэн, оҕо үөрэх кэннэ ханна, тугунан дьарыктанарыгар болҕомто уурбаттар. Ол түмүгэр оҕо араас буруйу-сэмэни да оҥоруон, арааска да түбэһиэн сөп.

Оҕо күннээҕи эрэсиимин туһунан кэпсэтии дьиэ кэргэҥҥэ эбэһээт тахсыахтааҕын кини бэлиэтиир. Дьиэҕэ эйэҕэс сыһыан, түмсүүлээх эйгэ баар буоллаҕына, оҕо түүннэри эбэтэр киэһэ хойукка диэри дьүөгэлэрин, доҕотторун кытта алтыһарга ыксаабат, кини күннээҕи үөрэх, дьарык, куруһуок эйгэтинэн туоларын бэлиэтиир Виктор Краснов.