Обургу оҕолор оҕуруот аһын лааппытын халаатылар

Алдан оройуонугар сокуоннай саастарын туола илик икки уол күүлэйдии сылдьан хатааһыннаах турар оҕуруот аһын атыылыыр лааппыны алдьатан киирэн халаабыттар.

Ол курдук, оҕолор эрдэттэн бэлэмнэнэн баран хатааһыннаах ааны алдьаппыттар уонна лааппыга киирбиттэр. Киирээт, остуолга элбэх кумааҕы харчы сытарын көрбүттэр уонна уорарга быһаарыммыттар. Уолаттар уорбут харчыларын үллэстэн кэбиспиттэр уонна чипсы, утах ылан испиттэр. Алдан оройуонун ИДьМ салаатын холуобунай ирдэбилин үлэһиттэрэ уорууга уорбаланар икки уолу туппуттар. Арассыыйа Федерациятын холуобунай кодексатын 158 ыст. 2 ч. «Уоруу» диэнинэн холуобунай дьыала тэриллибит.