Өрөбүл күннэри туһалаахтык атаарыаҕыҥ

Ыам ыйдааҕы бырааһынньыктар уонна өрөбүл күннэр биһигини күүтэллэр. Бу сынньалаҥ күннэри хайдах туһалаахтык атаарар туһунан Уопсастыбаннай доруобуйа уонна мэдиссиинискэй профилактика өрөспүүбүлүкэтээҕи киинин исписэлиистэрэ сүбэлииллэр.

-Өрөбүл күннэргитин эрдэттэн былааннааҥ. Эрдэттэн былааннаннаххытына, күҥҥүтүн олус туһалаахтык атаарыаххыт, күннээҕи кыраапыккытын сөбүлүүр уонна туһалаах дьыалаларгытынан толорунуҥ.

-Эрдэ уһуктуҥ. Ол эбэтэр, күннээҕи эрэһиимҥит кэһиллибэтэҕинэ, кэлин үлэ тэтимигэр киирэргитин  ыарырҕатыаххыт суоҕа.

—Эрчиллиилэрдэ оҥоруҥ. Саас – уһун унньуктаах кыһын кэнниттэн бэйэни бэрээдэктэнэргэ олус үчүгэй кэм. Сиэри таһынан аһыыры уонна ороҥҥо таах сытары умнуҥ. Эти-сиини чэбдигирдэр уонна доруобай аһылык кэмэ кэллэ. Сарсыардаҕытын эрчиллииттэн саҕалааҥ.

-Күннээҕи эрэһиимҥитин уларытымаҥ. Ханна да ыксаабаккытыттан, тиэтэйбэккититтэн  үөрэҕит, астынаҕыт. Ол эрээри, аһылыккыт эрэһиимин умнумаҥ. Сарсыардааҥы аһылыккытын көтүтүмэҥ. Куртаххатын сыалаах аһылыктан босхолооҥ. Элбэхтик оҕуруот аһын уонна фруктаны сиэҥ.

—Күн аайы сибиэһэй салгыҥҥа күүлэйдээҥ. Ыам ыйынааҕы өрөбүллэр дьиэ кэргэҥҥитин уонна доҕотторгутун кытары айылҕаҕа, пааркаҕа эбэтэр даачаҕа көхтөөхтүк сынньанарга саамай табыгастаах кэм.

-Култуурунай өттүнэн сынньанаргытын эмиэ умнумаҥ. Бу күннэргэ киинэҕэ, тыйаатырга сылдьан эбэтэр уруккуттан ымсыыра көрбүт кинигэҕитин атыылаһан, бэйэҕитигэр бэлэхтэ оҥостуҥ.

-Сибиэһэй фруктаны уонна оҕуруот аһын атыылаһыҥ уонна дьиэҕитигэр астаныҥ. Бэйэҕит бэлэмнээбит аскыт минньигэс буолар, араас оҕуруот астаах, күөх үүнээйилээх бүлүүдэ быдан туһалаах.

-Сөбүлүүр дьарыккытыгар бириэмэтэ анааҥ -– ааҕыҥ, уруһуйдааҥ, быысапкалааҥ -– эһиги билиҥҥи туруккут тугу баҕарарын оҥоруҥ. Үҥкүүгэ, фитнескэ, тылы үөрэтэр куурустарга эбэтэр маастар-кылаастарга суруйтарыҥ, бэйэҕитигэр саҥаны арыйыҥ.

-Бириэмэҕитин чугас дьоҥҥутун кытары атаарыҥ. Көрбөтөххүт ырааппыт доҕотторгутунуун көрсүҥ. Чугас дьоҥҥутугар: төрөппүттэргитигэр, эбээлэргитигэр-эһээлэргитигэр ыалдьыттааҥ. Похуокка, пикниккэ сылдьыҥ.

-Утуйар эрэһиимҥитин кэһимэҥ. Өрөбүл күннэргит туһалаахтык ааһалларын туһугар күн аайы үчүгэйдик утуйуоххутун наада. Утуйуоххут иннинэ таһырдьа хаама түһэр олус туһалаах.

Бу күннэргэ, төһө кыалларынан, араас социальнай ситимнэртэн сынньаныҥ, уугутун хана утуйуҥ, сөбүлүүр аһылыккытын аһааҥ, салгыҥҥа элбэхтик сылдьыҥ. Бэйэҕитин харыстаныҥ, доруобай буолуҥ.