Сайаана Львова хаартыскаҕа түһэриитэ
Халлааммыт эмискэ тымныйыыта Охотскай муораттан тымныы циклон уонна сөрүүн салгын кэлиитин кытары сибээстээх.
Дьокуускайга уонна киин улуустарга салгын баттааһынын намтааһына бэлиэтэнэр. От ыйын 9 күнүгэр 30 кыраадыстаах куйаас күн турбут буоллаҕына, бүгүн күнүс киин куоракка +18 +20 кыраадыска эрэ тиийдэ. Саха сиринээҕи күнү-дьылы кэтээн көрөр сулууспа начаалынньыга Татьяна Маршалик эппитинэн, бээтинсэттэн куйаас саҕаланыа диэн СИА иһитиннэрэр.
«Халлаан эмискэ тымныйыыта Охотскай муораттан тымныы циклон уонна сөрүүн салгын кэлиитин кытары сибээстээх. Ойуур баһаардара буола турар Уус Маайа улууһугар уонна илин эҥэргэ ардах үчүгэйдик түстэ. Бүгүн ол ардах Дьокуускай куоракка кэллэ», — диэн кэпсээтэ Татьяна Маршалик.
Маннык сөрүүн Дьокуускай куоракка чэппиэргэ диэри туруоҕа. Күнүс +20…+22 кыраадыс буоларын эрэннэрэллэр уонна быстах ардахтаах буолуо диэн сабаҕалыыллар.
«Сотору бу тымныылар Горнай уонна Хаҥалас улуустарынан ааһыа. Ол кэннэ хайыы-үйэ мөлтөөн, Бүлүү бөлөх улуустарынан Ленскэйгэ тиийиэ. Дьокуускайга уонна киин улуустарга бээтинсэттэн сылыйыа уонна өрөбүлгэ +30 кыраадыска тиийэ итийиэ диэн билгэлиибит», — диэн Татьяна Маршалик санаатын үллэһиннэ.
Оҕо ыалдьыбатын уонна уруоктар кэннилэриттэн сылайбатын туһуттан сөпкө аһыы-сии сылдьыахтаах. Үөрэнээччи күннээҕи аһылыгын рационун туһунан…
Дьокуускай куорат төрөөбүт күнүгэр, балаҕан ыйын 14 күнүгэр, киин куоракка 14 оҕо күн сирин көрдө…
Дьокуускайга полиция 3-с №-дээх отделыгар 30 тыһ.солк. суумалаах бэлисипиэди уорбуттарын туһунан иһитиннэрбиттэр. Бу туһунан СӨ ИДьМ…
Бүгүн Ил Дархан Айсен Николаев Бырабыытылыстыба уонна дьаһалта былаанныыр мунньаҕар федеральнай уонна стратегическай көҕүлээһиннэри олоххо…
Сиргэ кэнники үс ый иһигэр саамай күүстээх магнитнай буурҕа түстэ, ол күүһэ G3 баалга чугаһаата.…
Сунтаар улууһугар "Биир ньыгыл Арассыыйа" баартыйаттан турбут А.В.Григорьев баһылыгынан талылынна. Биир дойдулаахтара кини үлэтин үрдүктүк…