Хаартыска -- Мария Васильева /СИА
Саха сирин арҕаа өттүгэр баскыһыанньаҕа салгын +33 кыраадыска диэри сылыйыа. Онуоха өрөспүүбүлүкэ сорох улуустарыгар самыырдаах уонна тыаллаах буолуоҕа.
Бу туһунан Саха сиринээҕи УГМС саайти иһитиннэрэр.
Ол курдук, бүгүн, от ыйын 12 күнүгэр, Томпо уонна Өймөкөөн улуустарыгар сорох сиринэн күүстээх самыыр түһэрэ сабаҕаланар. Күнүс Амма, Чурапчы, Таатта, Уус-Маайа, Томпо уонна Өймөкөөн улуустарыгар сөкүүндэҕэ 15–20 м күүстээх тыаллаах этиҥнээх ардахтар түһэллэрэ күүтүллэллэр.
Арҕаа улуустарга сүнньүнэн сөҥүүтэ суох. Күнүс Саха сирин үгүс өттүгэр салгын температурата +22…+27 кыраадыс буолуоҕа. Ордук куйаас күн-дьыл арҕаа улуустарга туруоҕа — +27-тэн +32-гэ диэри.
Хоту улуустарга +10…+15, оттон байҕал кытылыгар +2…+7 кыраадыс сылаас буолуоҕа.
Дьокуускайга бүгүн сүнньүнэн сөҥүүтэ суох, тыал сөкүүндэҕэ 8–13 м. тиийэ күүһүрүөҕэ. Күнүс салгын +25 кыраадыска диэри сылыйыа.
От ыйын 13 күнүгэр, баскыһыанньаҕа, өрөспүүбүлүкэ үгүс улуустарыгар күнүс +20…+25 кыраадыс буолуоҕа. Хотугулуу-илин улуустарга +15…+20, хоту +8…+13, хоту байҕал кытылыгар +2…+7, оттон арҕаа улуустарга +28…+33 кыраадыс күүтүллэр.
Куйаас күннэр өрөбүлтэн саҕалаан кэлэр нэдиэлэ ортотугар диэри туруохтара диэн Саха сиринээҕи УГМС начаалынньыгын солбуйааччы – Гидрометкиин салайааччыта Татьяна Маршалик иһитиннэрбитэ.
Суруналыыстары кытта көрсүһүүтүгэр Евгений Григорьев мээр дуоһунаһыгар салгыы үлэлиир былааннааҕын туһунан иһитиннэрдэ. Ол эбэтэр быыбарга…
Аҕыйах сылтан бэттэх саҥа дьыллааҕы баата оонньуурдары оҥорор киһи элбээтэ. Баататтан оҥоһуллубут Моруос оҕонньоттору, Хаарчааналары…
Бүгүн, ахсынньы 18 күнүгэр, Дьокуускай куорат оскуолаларын үөрэнээччилэригэр актированнай күн биллэрилиннэ. Бу туһунан Дьокуускай куорат…
ОСАГО (автогражданскай эппиэтинэс булгуччулаах страхованиета) тарыыптарыгар уларытыылары киллэрбиттэрэ. Саҥа полиһы хайдах оҥотторор, туох докумуоннар ирдэнэллэрин…
Бүгүн, ахсынньы 18 күнүгэр, Саха сирин сорох улуустарыгар -20 кыраадыс буолара күүтүллэр диэн УГМС иһитиннэрэр.…
«Саханефтегазсбыт» АУо 2025 сылга ыраах сытар, сылы эргиччи суола-ииһэ суох, автозаправочнай (АЗС) уонна контейнернай автозаправочнай…