Марта Николаева тиксэриитэ.
Бэҕэһээ, тохсунньу 21 күнүгэр, тоһуттар тымныыттан куттаммакка, өрөбүллээҕи Оһуокайбыт күнүгэр элбэх киһи кэлэн сэргэхсийдэ. Намтан Саха сирин үтүөлээх этээччитэ Семен Петрович Алексеев киирэн, саҕаланыытыгар мас олоппоско олоонноон олорон олоҥхолоон амалыйда.
Ол кэнниттэн ырыа, үҥкүү доҕуһуоллаах оһуокайбыт түһүлгэтэ буолла. Биһиги оһуокайбытыгар 90 сааһын лаппа ааспыт Аар Дархан этээччибит Егор Михайлович Осипов мэлдьи буоларын курдук, сэргэхтик түһүлгэтин таһаарда. Быйыл 90 саастарыгар үктэммит Аар Дархан этээччибит Афанасий Егорович Алексеев эдэрдии эрчиминэн сылдьара барыбытын сөхтөрөр. Биһиги Оһуокайбытыгар олус маанытык, сахалыы таҥаһынан сылдьар 90 саастаах Евгения Петровна Бубякинаны бары киэн тутта көрөбүт. Эмиэ сиэнэ кыыс эбэтин сиэтэн Арчыга аҕалла уонна түөрт чаас иннинэ барда. Евгения Петровна барыам иннинэ баһаалыста эт эрэ диэн көрдөһөн, түһүлгэбэр махталлаатык саҕаланыан бүтүөр диэри кынаттаста уонна махталынан үтүө санаатынан амарахтык кууһан сыллаата.
Оһуокай тэрээһинигэр, оччолорго сүүрбэһис үйэ 80-с сылларыгар көмөлөспүт, оһуокайдаспыт, алгысчыт саха музыкальнай драматическай тыйаатырын балекка артыыһа, кэлин Кыыл Уола С.А.Зверев аатынан тыйаатыр үтүөлээх артыыһа, алгысчыт Д.Д.Попов-Хобочоон бүгүн төрөөбүтэ 90 сылын туһунан кини огдообото, Оһуокай уопсастыбата тэриллиэҕиттэн сылдьар биир көхтөөх чилиэммит, норуот маастара Розалия Никитична иһитиннэрдэ.
Ырыаһыттарбыт Мария Васильевна Захарова, Григорий Константинович Павлов сэргэх ырыаларынан астына үҥкүүлээтибит. Саҥа күнү итинник үтүө санаанан түмүктээтибит.
Марта Николаева.
Анал байыаннай дьайыы 474 кыттыылааҕа уонна кинилэр дьиэ кэргэннэрин 453 чилиэнэ Ю.П. Степанов аатынан инбэлииттэр…
Биһиги баһаарынайдарбыт Саха сирин ойуурдарыгар уоту кытары туруулаһан охсуһаллар. Уот умуруорууга икки сүүстэн тахса «Авиалесоохрана»…
Атырдьах ыйын 1 күнүгэр Дьокуускайга уонна улуустарга күн-дьыл туругун туһунан билиһиннэрэбит. Бээтинсэҕэ, атырдьах ыйын 1…
«ВОИН» байыаннай-спортивнай бэлэмнэниини уонна ыччакка патриотическай иитиини сайыннарар кииҥҥэ снайперскай бинтиэпкэлэри туттарыы сиэрэ-туома буолан ааста.…
Саха сиригэр ыал буолууну регистрациялааһын сиэрин-туомун ыытыыны билигин 17 саҥа миэстэҕэ оҥоруохха сөп. Олор истэригэр…
АЛРОСА Саха сиригэр успуорт инфраструктурата сайдарыгар көхтөөхтүк кыттар. Ол курдук, 2019 сыллаахха Амма улууһун Бөтүҥ…