Өрөбүллэргэ ардыыр, инчэҕэй хаар түһэр…

Саха сиринээҕи УГМС саайта иһитиннэрэринэн бу өрөбүллэргэ, муус устар 19-20 күннэригэр, инчэҕэй хаар, сорох оройуоннарынан ардах түһэрэ күүтүллэр.

Муус устар 19 күнүгэр хотугулуу-арҕаа, Анаабыр, Булуҥ оройуоннарынан инчэҕэй хаар түһэр. Күнүс соҕуруулуу-арҕаа улуустарынан ардыыр, инчэҕэй хаар түһэр. Киин улуустарынан, хотугулуу-илин сөҥүүтэ суох, кыра тыаллаах, хоту муора кытылынан, Өлүөнэ өрүс алын тардыытынан ардыыр, инчэҕэй хаар түһэрэ сабаҕаланар. Салгын температурата түүн киин улуустарынан -2-7°, сорох сиринэн -8-13°, хотугулуу-иин -8-13°, атын оройуоннарынан -15-20°, арҕаа улуустарынан -2,+3° кыраадыс сылаас. Күнүс киин улуустарынан +6+11° кыраадыс сылаас, соҕуруулуу-арҕаа +13+18°.

Муус устар 20 күнүгэр арҕаа оройуоннарынан ардыыр, инчэҕэй хаар түһэр, атын улуустарынан сөҥүүтэ суох. Киин улуустарынан кыра тыаллаах, арҕаа оройуоннарынан сөкүүндэҕэ  15-18 м. түргэннэх күүстээх тыаллаах, буурҕа түһэр.  Салгын температурата түүн киин улуустарынан -2-7°, сорох сиринэн -8-13°, хотугулуу-иин -8-13°, атын оройуоннарынан -15-20°, арҕаа улуустарынан -2,+3° кыраадыс сылаас. Күнүс салгын температурата  +9+14°, хотугулуу-илин +3+8°, сорох сиринэн +8+13°, соҕуруулуу-арҕаа +3+8°.