Хаартыска: Күн астрономиятын лабораторията.
Алтынньы 2-3 күннэригэр Күҥҥэ X7-9.1 кылаастаах күүстээх эстиилэр буолбуттара. Онон бу ааспыт өрөбүллэргэ күүстээх магнитнай буурҕа түһүөҕэ диэн сабаҕалаабыттара. Ол эрээри, эстии плазматын былыта Сиртэн халты баран, алтынньы 7 күнүгэр 1 бааллаах мөлтөх буурҕа түстэ диэн РНА Күн-Сир физикатын институтун Күн астрономиятын лабораторията иһитиннэрэр.
Алтынньы 2 күнүнээҕи эстии плазмата Сири кытыытынан таарыйбыта. Иккис улахан эстии былыта эмиэ халты баран, бүгүн сороҕо эрэ Сиргэ кэлэн, 1 бааллаах мөлтөх магнитнай буурҕаны түһэрдэ. Халты барбатаҕа буоллар, 3-4 бааллаах (муҥутуур кээмэйэ — 5 баал) күүстээх буурҕа түһүөхтээх этэ, тоҕо диэтэр, Күҥҥэ 2017 сылтан ыла буола илик күүстээх эстии тахсан, плазма былыта 500 км/сөк түргэннээх Сир диэки айаннаабыта.
—— Бастакы эстии былыта Сири халты барбытыгар, иккис эстии былыта ону батыспыт диэн сабаҕалыахха сөп. Эбэтэр, плазма былытын барыахтаах суола эрдэттэн сыыһа суоттаныллыбыт буолуон сөп. Хомойуох иһин, Күн эстиитин ойоҕоһуттан уһуларга уонна 3D траекториятын суоттуурга анаммыт СТЕРЕО космическай аппарааттар билигин орбита устун хамсыы сылдьаллар уонна чопчу стерео-дааннайдары биэрбэттэр. Онон суоттааһын чуолкайа суох буолуон сөп.
Билигин Күҥҥэ икки улахан эстии тахсыбыт 3842 зоната Сир диэки хайыһан турбат, онон онно саҥа эстии таҕыстаҕына да, Сиртэн атын өттүгэр барыаҕа. Күҥҥэ билигин эстэр зоналара элбэхтэр эрээри, күүстээх буолбатахтар, — диэн лаборатория учуонайдара бэлиэтээтилэр.
Чэ онон, хата, «һуу» гынар буоллахпыт. Итинник эмиэ буолар эбит.
«Грипп утары быһыыны хаһан ылар табыллыбатый?», - диэн «Саха сирэ» саайт ааҕааччылара ыйыталлар. Бу ыйытыкка…
Дьокуускайдааҕы килиньиичэскэй балыыһаҕа сэтинньи 24 күнүгэр, Арассыыйаҕа Ийэ күнүгэр, күн сирин көрбүт оҕолору таһаарыы үөрүүлээх…
Бу күннэргэ кэккэ СМИ-нэн Омскай, Амур уобаластарын уонна Санкт-Петербург, Краснодар, Москва куораттарын олохтоохторо ииримтийбит ыттарга…
Хаҥалас улууһун олохтооҕо дьиэтин иһиттэн малын уорбуттарын туһунан полицияҕа тыллаабыт. Эмсэҕэлээччи эр киһи 30 000 солк.…
Дойдубут аҕа баһылыга Владимир Путин сэтинньи 27-28 күннэригэр Казахстаҥҥа командировкаҕа баран кэллэ. Казахстан бэрэсидьиэнин Касым-Жомарт…
Өрөспүүбүлүкэ эбэҥкилэрин түмсүүтэ “Нордголд” хампаанньа көмөтүнэн “Эвэды тылын уйата” бырагырааманы олоххо киллэриитин саҕалаата. Соторутааҕыта Дьокуускайга…